Túrkistan oblysynda keiingi 3 jyl ishinde jergilikti atqarýshy organdar 6 myń gektardan asa (quny - 1,8 mlrd teńge) 190 jer ýchaskesin zańsyz bergeni anyqtaldy, dep habarlaidy Dalanews.kz.
Bul týraly Túrkistan oblysynyń prokýratýrasy málimdedi.
"Ákimder jer zańnamasynda kózdelgen konkýrs talaptaryn ainalyp ótip, baý-baqsha sharýashylyǵyn júrgizý, jeke qosalqy sharýashylyq jáne qosymsha jer tabystaý jolymen memleket jerlerin zańsyz ielikten shyǵarǵany belgili boldy. Oǵan qosa 400 gektar jerdiń (150 jer ýchaskesi) nysanaly maqsaty zańsyz kásipkerlikke ózgertilgen. Birde bir jaǵdaida sáýlet jáne qala qurylysy qujattamalarynyń talaptary saqtalmaǵan", - dep jazylǵan habarlamada.
Osy salaǵa jaýapty memlekettik organdarǵa tiisti hattamalyq tapsyrmalar berilip, zańbuzýshylyqtarǵa jol bergen sheneýnikterdiń jaýapkershiligin qaraý jóninde eskertilgen.
