Ońtústikte ádep normalaryn buzý tómendedi
Kezdesý barysynda Aibek Aqbergenuly 2017 jyldyń birinshi jarty jyldyǵynda 956 bos memlekettik ákimshilik laýazymǵa konkýrs jariialanǵandyǵyn málimdedi. Onyń 501-i (53 %) jeńimpaz retinde anyqtalyp, meritokratiia printsipterine sáikes, 179 (36 %) jeńimpaz tómengi laýazymnan joǵary laýazymǵa taǵaiyndalǵan.
«Ult josparynyń 4-qadamyna sáikes, oblys boiynsha 505 jańadan taǵaiyndalǵan qyzmetshiler 3 ai synaq merziminen sátti ótti. 2017 jyldyń I jarty jyldyǵyndaqyzmetshilerdiń barlyǵy taǵylymdamadan ótti», - dedi A.Shilmanov.
Sonymen birge, basshy mindetin atqarýshy Ádep jónindegi keńestiń jumysyna toqtalyp, 2016, 2017 jyldardyń eseptik kezeńderindegi atalǵan keńes jumysynyń statistikalyq málimetin salystyrdy. Oǵan sáikes, sybailas jemqorlyq jáne qyzmettik ádep normalaryn buzýshylyqtaryn aldyn-alýǵa baǵyttalǵan is-sharalardyń júzege asyrylýyna bailanysty qaralǵan tártiptik ister 26%-ǵa tómendegen.
Munan soń, sóz alǵan oblystyq jergilikti atqarýshy organdarynyń Ádep jónindegi ýákili Á.Álishev osynaý jarty jyldyq ishinde memlekettik qyzmetshiler men basqa da azamattardan 10 aryz túsip, ótinish ielerine jaýaptary joldanǵanyn jetkizdi. Sonymen birge, Ádep jónindegi ýákildiń jeke qabyldaýynda 11 adam bolyp, jazǵan aryzdaryna zań talaptaryna sai tekserý júrgizilip, jaýaptary berilgen.
«Ádep jónindegi ýákilge symtetik arqyly 6 adam habarlasyp, olar aýdandyq jumyspen qamtý jáne áleýmettik baǵdarlamalar bólimi qyzmetkerleriniń dóreki minez kórsetkenine, Azamattyq quqyqtarynyń buzylǵanyna jáne aýyldyq okrýg ákimi tarapynan Ádep Kodeksi talaptarynyń oryndalmaýyna qatysty shaǵymdandy. Sondai-aq, azamattar aýyldyq okrýg ákiminiń qyzmet sapasyna, aýyldaǵy turǵyndar arasyndaǵy moraldyq-psihologiialyq ahýaldyń tómendigine, sonymen birge, qala ákiminiń jeke qabyldaýyna kirýge kómektesýin surady. Bul ótinishterdiń barlyǵyna sol ýaqytta tiisti jaýapty memlekettik qymetshilermen habarlasa otyryp sheshimin tapty. Keibir qoiylǵan suraqtarǵa túsiniktemeler berildi» - dedi Á.Álishev.
Munan bólek, Ádep jónindegi ýákildiń atyna kelip túsken aryzdardyń 8-i quzirettilikke bailanysty Qazaqstan Respýblikasynyń memlekettik qyzmet isteri jáne sybailas jemqorlyqqa qarsy is qimyl agenttiginiń OQO boiynsha departamentine jiberilip, bireýi boiynsha qozǵalǵan tártiptik is Ádep keńesiniń sotyrysynda qaralǵan. Nátijesinde, tiisti memlekettik qyzmetkerge «qatań sógis» berilipti.
OQO ákiminiń baspasóz qyzmeti
