كەزدەسۋ بارىسىندا ايبەك اقبەرگەن ۇلى 2017 جىلدىڭ ءبىرىنشى جارتى جىلدىعىندا 956 بوس مەملەكەتتىك اكىمشىلىك لاۋازىمعا كونكۋرس جاريالانعاندىعىن مالىمدەدى. ونىڭ 501ء-ى (53 %) جەڭىمپاز رەتىندە انىقتالىپ، مەريتوكراتيا پرينسيپتەرىنە سايكەس، 179 (36 %) جەڭىمپاز تومەنگى لاۋازىمنان جوعارى لاۋازىمعا تاعايىندالعان.
«ۇلت جوسپارىنىڭ 4-قادامىنا سايكەس، وبلىس بويىنشا 505 جاڭادان تاعايىندالعان قىزمەتشىلەر 3 اي سىناق مەرزىمىنەن ءساتتى ءوتتى. 2017 جىلدىڭ ءى جارتى جىلدىعىنداقىزمەتشىلەردىڭ بارلىعى تاعىلىمدامادان ءوتتى»، - دەدى ا.ءشىلمانوۆ.
سونىمەن بىرگە، باسشى مىندەتىن اتقارۋشى ادەپ جونىندەگى كەڭەستىڭ جۇمىسىنا توقتالىپ، 2016، 2017 جىلداردىڭ ەسەپتىك كەزەڭدەرىندەگى اتالعان كەڭەس جۇمىسىنىڭ ستاتيستيكالىق مالىمەتىن سالىستىردى. وعان سايكەس، سىبايلاس جەمقورلىق جانە قىزمەتتىك ادەپ نورمالارىن بۇزۋشىلىقتارىن الدىن-الۋعا باعىتتالعان ءىس-شارالاردىڭ جۇزەگە اسىرىلۋىنا بايلانىستى قارالعان تارتىپتىك ىستەر 26%-عا تومەندەگەن.
مۇنان سوڭ، ءسوز العان وبلىستىق جەرگىلىكتى اتقارۋشى ورگاندارىنىڭ ادەپ جونىندەگى ۋاكىلى ءا.الىشيەۆ وسىناۋ جارتى جىلدىق ىشىندە مەملەكەتتىك قىزمەتشىلەر مەن باسقا دا ازاماتتاردان 10 ارىز ءتۇسىپ، ءوتىنىش يەلەرىنە جاۋاپتارى جولدانعانىن جەتكىزدى. سونىمەن بىرگە، ادەپ جونىندەگى ۋاكىلدىڭ جەكە قابىلداۋىندا 11 ادام بولىپ، جازعان ارىزدارىنا زاڭ تالاپتارىنا ساي تەكسەرۋ جۇرگىزىلىپ، جاۋاپتارى بەرىلگەن.
«ادەپ جونىندەگى ۋاكىلگە سىمتەتىك ارقىلى 6 ادام حابارلاسىپ، ولار اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى قىزمەتكەرلەرىنىڭ دورەكى مىنەز كورسەتكەنىنە، ازاماتتىق قۇقىقتارىنىڭ بۇزىلعانىنا جانە اۋىلدىق وكرۋگ اكىمى تاراپىنان ادەپ كودەكسى تالاپتارىنىڭ ورىندالماۋىنا قاتىستى شاعىمداندى. سونداي-اق، ازاماتتار اۋىلدىق وكرۋگ اكىمىنىڭ قىزمەت ساپاسىنا، اۋىلداعى تۇرعىندار اراسىنداعى مورالدىق-پسيحولوگيالىق احۋالدىڭ تومەندىگىنە، سونىمەن بىرگە، قالا اكىمىنىڭ جەكە قابىلداۋىنا كىرۋگە كومەكتەسۋىن سۇرادى. بۇل وتىنىشتەردىڭ بارلىعىنا سول ۋاقىتتا ءتيىستى جاۋاپتى مەملەكەتتىك قىمەتشىلەرمەن حابارلاسا وتىرىپ شەشىمىن تاپتى. كەيبىر قويىلعان سۇراقتارعا تۇسىنىكتەمەلەر بەرىلدى» - دەدى ءا.الىشيەۆ.
مۇنان بولەك، ادەپ جونىندەگى ۋاكىلدىڭ اتىنا كەلىپ تۇسكەن ارىزداردىڭ 8ء-ى قۇزىرەتتىلىككە بايلانىستى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس قيمىل اگەنتتىگىنىڭ وقو بويىنشا دەپارتامەنتىنە جىبەرىلىپ، بىرەۋى بويىنشا قوزعالعان تارتىپتىك ءىس ادەپ كەڭەسىنىڭ سوتىرىسىندا قارالعان. ناتيجەسىندە، ءتيىستى مەملەكەتتىك قىزمەتكەرگە «قاتاڭ سوگىس» بەرىلىپتى.
وقو اكىمىنىڭ باسپا ءسوز قىزمەتى
