Ońtústikte 95 túlekke JOO-ǵa tegin joldama berildi
«Sońǵy jyldary qalyptasqan igi dástúr boiynsha oblystaǵy joǵary oqý oryndary sizderge qol ushyn sozyp, aqysyz tegin oqýǵa qabyldap otyr. Sol oqý oryndaryn abyroimen basqaryp otyrǵan aǵa býyn ókilderiniń bul jaqsylyǵyna sizderdiń attaryńyzdan rizashylyǵymyzdy bildirip, alǵys aitamyn!», - dedi J.Túimebaev.
Óńirimizdegi 12 joǵary oqý orny atsalysyp otyrǵan igi iske negizine, 103 joldama berilip otyr.
Tarqatyp aitsaq, «Ońtústik Qazaqstan pedagogikalyq ýniversiteti 20 joldama bólse, Ońtústik Qazaqstan memlekettik pedagogikalyq institýty 15, Halyqaralyq gýmanitarlyq-tehnikalyq ýniversiteti - 15, Q.A.Iasaýi atyndaǵy halyqaralyq qazaq-túrik ýniversiteti men M.Áýezov atyndaǵy Ońtústik Qazaqstan memlekettik ýniversiteti on joldaman 20, Aimaqtyq áleýmettik-innovatsiialyq ýniversiteti 9, «Syrdariia» ýniversiteti 8, Qazaqstan injenerli-pedagogikalyq halyqtar dostyǵy ýniversiteti 5, «Miras» ýniversiteti, «Shymkent» ýniversiteti, Ońtústik Qazaqstan memlekettik farmatsevtikalyq akademiiasy úsh joldamadan 9 jáne M.Saparbaev atyndaǵy Ońtústik Qazaqstan gýmanitarlyq institýty 2 joldama arnaǵan.
Al búgin sonyń 95 joldamasy UBT-da shektik baldy jinap, emtihannan ótken túlekterge berildi. Qalǵan 8 joldama UBT-daǵy shyǵarmashylyq emtihandy kútip júrgen shákirtterdi kútýde.
Jalpy, 2016-2017 oqý jylynda oblysta 208 jetim jáne ata-anasynyń qamqorlyǵynsyz qalǵan balalar (34-i balalar úileri túlekteri) 11-synypty bitirdi. 208 túlektiń 130-y UBT-ǵa qatysyp 107-y Ulttyq biryńǵai testileý nátijesinde shektik deńgeiden ótken. Olardyń 95-i oblystaǵy joǵary oqý oryndaryna, 106-y kolledjderde, 12-si respýblikanyń basqa óńirlerinde bilim alýǵa niet bildirip otyr. Aita ketetin jaǵdai, UBT-da qajetti baldy jinai almaǵan shákirtter orta arnaýly oqý oryndarynda tegin bilim alatyn bolady.
