Ońtústikke Kristin Mýttonen keldi
Kezdesý barysynda eki tarap shekaralardyń qorǵalýy, áskeri qaterdiń tóndirilmeýi, saiasi jáne ekonomikalyq turaqtylyq, adam quqyqtarynyń saqtalýy, qorshaǵan ortany qorǵaý máseleleri talqylandy.
«Eýropadaǵy qaýipsizdik jáne yntymaqtastyq uiymy – qaýipsizdik máselelerimen ainalysatyn álemdegi eń iri óńirlik uiym. Ol búginde Soltústik Amerikada, Eýropada, Ortalyq Aziiada milliardtan astam adam ómir súrip jatqan 56 memlekettiń basyn qosyp otyr. Bul uiymǵa qatysýshy memleketterdi ortaq qundylyqtar, ortaq maqsattar men ortaq mindetter biriktiredi, bárinen buryn – osy óńirdi anaǵurlym qaýipsiz, anaǵurlym órkendegen óńirge ainaldyrýǵa degen umtylys biriktiredi»,- dedi Janseiit Qanseiituly.
Aita keteiik, Eýropadaǵy qaýipsizdik jáne yntymaqtastyq uiymy beibitshilik pen qaýipsizdikti nyǵaitýǵa, adamnyń negizgi bostandyqtary men quqyqtaryn qamtamasyz etýge baǵyttalǵan mindetterge arqa súieidi. Qaýipsizdik aiqyndamasy retinde shekaralardyń qorǵalýy, áskeri qaterdiń tóndirilmeýi, saiasi jáne ekonomikalyq turaqtylyq, adam quqyqtarynyń saqtalýy, qorshaǵan ortany qorǵaý aldymen qarastyrylady.
«Ońtústik Qazaqstan oblysynyń qonaqjai halqyna alǵysym sheksiz. Aldaǵy ýaqytta Eýropadaǵy qaýipsizdik jáne yntymaqtastyq uiymy men Ońtústik Qazaqstan oblysy ákimdiginiń ekijaqty qarym-qatynasy jan-jaqty damidy dep senemin»,- dedi Eýropadaǵy qaýipsizdik jáne yntymaqtastyq uiymy Parlamenttik Assambleiasynyń tóraiymy Kristin Mýttonen.
Mártebeli qonaq ońtústiktegi jumys sapary barysynda óńirdegi etnomádeni birlestikterdiń bastamasymen boi kótergen «Qazaq eline myń alǵys!» monýmentimen, «Qazaqstan halqy Assambleiasy» ǵimaratyndaǵy qazaqtyń ulttyq qolóner buiymdarynyń kórmesimen tanysady dep josparlanýda.
