«Ońtústik» indýstrialdy aimaǵy elimizde birinshi bolyp ózin-ózi aqtady
Aǵymdaǵy jyldyń 9 aiynda jalpy oblystaǵy indýstrialdy aimaq kásiporyndary 13,4 mlrd. teńgeniń ónimin óndirdi. Bul týraly OQO óńirlik kommýnikatsiialar qyzmetinde ótken baspasóz konferentsiiasynda «Ońtústik» indýstrialdy aimaqtardy basqarýshy kompaniia basshysy Nýrken Begýliev málimdedi.
2017 jyldyń 10 aiynda atqarylǵan jumystar jaiyn baiandaǵan kompaniia basshysy búginde aimaqqa oblys ákimi Janseiit Túimebaevtyń bastamasymen investorlardy tartý boiynsha belsendi jumys júrgizilip keletinin atap ótti.
Sonymen birge, spiker qazirgi tańda Ońtústik Qazaqstan oblysy tartylǵan investitsiia boiynsha respýblikada kósh bastap keletinin jetkizdi. Máselen 2017 jyly 20 mlrd. teńgeni quraityn 17 investitsiialyq jobamen kelisimshartqa qol qoiylǵan. Qazirgi tańda oblys kólemindegi indýstrialdy aimaqtarda 169 investitsiialyq joba júzege asyrylýda eken.
– Jalpy quny 155,2 mlrd. teńge kólemindegi jobalar boiynsha 9 myńnan astam adam jumyspen qamtylmaq. Al búgingi tańda quny 34,8 mlrd. teńgeni quraityn 68 joba iske qosylǵan. Bul kásiporyndarda 4 myń adam jumys isteýde. Aǵymdaǵy jyldyń sońyna deiin somasy 7,7 mlrd. teńge bolatyn 12 investitsiialyq jobany iske asyrý josparlanyp otyr. Osylaisha osy jyldyń sońyna deiin barlyq indýstrialdy aimaqtarda júzege asqan jobalardyń sany 80-ge jetedi, – dedi Nýrken Rahymuly.
Sonymen qatar, 2018 jyly jalpy somasy 38,6 mlrd teńgeni quraityn 11 jobany iske qosý josparlanyp otyr. Nátijesinde kelesi jyldyń sońyna qarai 6500-ge jýyq adam jumyspen qamtylatyn bolady.
Budan bólek, «Ońtústik» indýstrialdy aimaqtarynyń basqarýshy kompaniiasy 2018-2020 jyldarǵa arnalǵan strategiialyq damý josparyn ázirlep jatyr. Onda oblystaǵy aýdan men qalalarda indýstrialdy aimaqtardy toltyrý máselesi qaralǵan.
OQO ákimniń baspasóz qyzmeti
