اعىمداعى جىلدىڭ 9 ايىندا جالپى وبلىستاعى يندۋستريالدى ايماق كاسىپورىندارى 13،4 ملرد. تەڭگەنىڭ ءونىمىن ءوندىردى. بۇل تۋرالى وقو وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا «وڭتۇستىك» يندۋستريالدى ايماقتاردى باسقارۋشى كومپانيا باسشىسى نۋركەن بەگۋلييەۆ مالىمدەدى.
2017 جىلدىڭ 10 ايىندا اتقارىلعان جۇمىستار جايىن بايانداعان كومپانيا باسشىسى بۇگىندە ايماققا وبلىس اكىمى جانسەيىت تۇيمەبايەۆتىڭ باستاماسىمەن ينۆەستورلاردى تارتۋ بويىنشا بەلسەندى جۇمىس جۇرگىزىلىپ كەلەتىنىن اتاپ ءوتتى.
سونىمەن بىرگە، سپيكەر قازىرگى تاڭدا وڭتۇستىك قازاقستان وبلىسى تارتىلعان ينۆەستيسيا بويىنشا رەسپۋبليكادا كوش باستاپ كەلەتىنىن جەتكىزدى. ماسەلەن 2017 جىلى 20 ملرد. تەڭگەنى قۇرايتىن 17 ينۆەستيسيالىق جوبامەن كەلىسىمشارتقا قول قويىلعان. قازىرگى تاڭدا وبلىس كولەمىندەگى يندۋستريالدى ايماقتاردا 169 ينۆەستيسيالىق جوبا جۇزەگە اسىرىلۋدا ەكەن.
– جالپى قۇنى 155،2 ملرد. تەڭگە كولەمىندەگى جوبالار بويىنشا 9 مىڭنان استام ادام جۇمىسپەن قامتىلماق. ال بۇگىنگى تاڭدا قۇنى 34،8 ملرد. تەڭگەنى قۇرايتىن 68 جوبا ىسكە قوسىلعان. بۇل كاسىپورىنداردا 4 مىڭ ادام جۇمىس ىستەۋدە. اعىمداعى جىلدىڭ سوڭىنا دەيىن سوماسى 7،7 ملرد. تەڭگە بولاتىن 12 ينۆەستيسيالىق جوبانى ىسكە اسىرۋ جوسپارلانىپ وتىر. وسىلايشا وسى جىلدىڭ سوڭىنا دەيىن بارلىق يندۋستريالدى ايماقتاردا جۇزەگە اسقان جوبالاردىڭ سانى 80-گە جەتەدى، – دەدى نۋركەن راحىم ۇلى.
سونىمەن قاتار، 2018 جىلى جالپى سوماسى 38،6 ملرد تەڭگەنى قۇرايتىن 11 جوبانى ىسكە قوسۋ جوسپارلانىپ وتىر. ناتيجەسىندە كەلەسى جىلدىڭ سوڭىنا قاراي 6500-گە جۋىق ادام جۇمىسپەن قامتىلاتىن بولادى.
بۇدان بولەك، «وڭتۇستىك» يندۋستريالدى ايماقتارىنىڭ باسقارۋشى كومپانياسى 2018-2020 جىلدارعا ارنالعان ستراتەگيالىق دامۋ جوسپارىن ازىرلەپ جاتىر. وندا وبلىستاعى اۋدان مەن قالالاردا يندۋستريالدى ايماقتاردى تولتىرۋ ماسەلەسى قارالعان.
وقو اكىمنىڭ باسپا ءسوز قىزمەتى
