Biyl «Ońtústik Qazaqstan» oblystyq qoǵamdyq-saiasi gazetiniń 100 jyl tolyp otyr. Mereitoiǵa orai Túrkistan qalasynda qazaq kúresinen týrnir ótti. Ulttyq sport básekesiniń saltanatty ashylýyna oblys ákiminiń orynbasary Beisenbai Tájibaev, «Ońtústik Qazaqstan» oblystyq qoǵamdyq-saiasi gazetiniń direktor-Bas redaktory Abai Balajan jáne ziialy qaýym ókilderi qatysty, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
«Ońtústik Qazaqstan» qoǵamdyq-saiasi gazetiniń qoǵam úshin orny erekshe! Bul tek ujymnyń ǵana emes, oblystyń, qazaq baspasóziniń toiy dep oilaimyn. Óitkeni óńirimizdiń bir ǵasyrlyq ómir tarihy osy gazettiń árbir betinde saqtalyp tur. Bul basylymda bir kezeńderi ult qairatkerleri, memleket jáne qoǵam deńgeiindegi tulǵalar qyzmet atqardy. «Qazaq kúresiniń» Túrkistan tórinde ótýi zańdylyq.
Atalǵan saiystyń osydan 15 jyldai buryn aýdanda ótkizý dástúri bastalǵan bolatyn. Oblys ákimi Darhan Amangeldiuly osy shyǵarmashyl qaýymdy tikelei qoldap, árdaiym qadaǵalap, tileýles bolyp otyrady. Basylymnyń mereitoiyn osy jyly kúzde Túrkistanda toilaýdy josparlap otyrmyz, – degen oblys ákiminiń orynbasary balýandarǵa sáttilik tiledi.
«Ońtústik Qazaqstan» oblystyq qoǵamdyq-saiasi gazetiniń direktory-bas redaktory Abai Beknazaruly bul saiystyń qazaq kúresin halyqaralyq deńgeide tanytyp, jastardy ulttyq qundylyqtardy qasterleýge tárbieleý baǵytynda uiymdastyrylǵanyn atap ótti. 61 jyl boiy turaqty túrde uiymdastyrylyp kele jatqan jarystyń mańyzdylyǵy men maqsatyna toqtaldy.
«Kerýen sarai» týristik kesheninde ótken bozkilemdegi palýandar básekesinde óńirimizdegi aýdan, qalalardan kelgen jalpy sany 120-ǵa jýyq sportshy qatysty. Túie balýan básekesinde 18 balýan baq synasty. Kil myqtylar básekesinde túrkistandyq Didar Hamza týrnirdiń biylǵy «túie balýany» atandy. Oǵan «Chevrolet Nexia» avtokóliginiń kilti tapsyryldy. Jalpy aitýly dúbirli dodany aqsaqaldar, sport ardagerleri, turǵyndar men qala qonaqtary tamashalap, uiymdastyrýshylarǵa alǵysyn jetkizdi. Aita ketsek, dástúrli týrnirdiń maqsaty – ulttyq sporttyń túri qazaq kúresin damytý jáne oblystyq jattyqtyrýshylary arasynda tájiribe almasý, halyq arasynda qazaq kúresin keńinen nasihattaý, balýandardyń sporttyq sheberligin shyńdaý. Sondai-aq jastardy ulttyq qundylyqtardy qasterleýge tárbieleý, buqaralyq sport túrlerimen shuǵyldanýǵa tartý arqyly olardyń boiynda otansúigishtik sezimdi qalyptastyrý. Aldaǵy ótetin iri jarystarǵa oblys quramasyn irikteý.
