Biyl Túrkistan oblysynyń bas gazeti «Ońtústik Qazaqstan» qoǵamdyq-saiasi gazetiniń shyǵa bastaǵanyna 100 jyl tolyp otyr. Búgin oblys ortalyǵynda qarashańyraq basylymnyń ǵasyrlyq toiy atalyp ótti. Saltanatty jiynǵa Qazaqstan Respýblikasy Prezidentiniń keńesshisi - Baspasóz qyzmetiniń jetekshisi Berik Ýáli qatysyp, Memleket basshysy Qasym-Jomart Toqaevtyń quttyqtaý hatyn gazet basshysy Abai Balajanǵa tabystady. Sonymen qatar birqatar jýrnalister Prezidenttiń alǵys hatymen marapattaldy.
Aýqymdy sharaǵa Túrkistan oblysynyń ákimi Darhan Satybaldy, QR Parlamentiniń Senat depýtaty Alisher Satybaldiev jáne QR Parlamentiniń Májilis depýttaty Ulasbek Sádibekov, basylymnyń tarihynda qoltańbasy qalǵan ardager qalamgerler, ziialy qaýym ókilderi men qalamy qarymdy jýrnalister qatysty.
– Sizderdi búgingi mereitoimen shyn júrekten quttyqtaimyn! «Ońtústik Qazaqstan» gazeti – ózindik tarihy bar, baǵyt-baǵdary aiqyndalǵan, qalyń oqyrmany qalyptasqan bedeldi basylymdardyń biri. Qazaq jýrnalistikasyndaǵy júirikter men aqiyq aqyndar, kórnekti jazýshylar, qoǵam qairatkerleri osynda qyzmet etip, túlep ushty.
«Gazet– halyqtyń kózi, qulaǵy hám tili» dep ult qairatkeri Ahmet Baitursynov aitqandai, oblys ainasyna ainalǵan gazetimiz qoǵamǵa qyzmet etý mindetin abyroimen oryndap keledi. Jańa dáýiri bastalǵan, Jańarǵan Túrkistannyń jańashyl baǵytyn jurtshylyqqa jetkizip júrgen qarashańyraq basylymǵa degen qurmetimiz joǵary. Oqyrmandaryńyz kóp, qalamdaryńyz qýatty, ár kúnderińiz shýaqty bolsyn! – degen oblys ákimi shyǵarmashylyq ujymnyń birneshe ókilin marapattady. Sondai-aq gazet ujymyna jeńil avtokólik tabystady.
Jiyn barysynda oblys ákiminiń orynbasary Ertai Altaev basylymnyń jýrnalisterin QR«Aqparat salasynyń úzdigi» tósbelgisimen, QR Mádeniet jáne aqparat ministrliginiń Qurmet gramatosymen jáne alǵys hatymen marapattady. Arnaiy qatysqan qurmetti qonaqtar izgi lebizin bildirdi.
Mereili kúnge orai birneshe is-shara josparlanǵan. Kúni keshe oblys ortalyǵyndaǵy «Jibek joly» saiabaǵynda «Ońtústik Qazaqstan» gazetiniń alleiasy ashyldy. Oǵan óńirdiń ziialy qaýym ókilderi men gazet redaktsiiasynyń ujymy qatysyp, 100 jyldyq mereitoiǵa orai 100 túp kóshet otyrǵyzdy. Al búgin «Ońtústik Qazaqstan» – tarih tolqynynda» atty ǵylymi-praktikalyq konferentsiia ótkizildi. Onda jýrnalistikany damytý joldary, tyń ideialar aityldy. Sonymen qatar gazettiń tarihynan syr shertetin fotokórme kópshilik nazaryna usynyldy. Ári qarai saltanatty jiyn merekelik kontsertke ulasty. Onda oblystyń ónerpazdary jurtshylyqqa kóterińki kóńil-kúi syilady.
Basylym joly Sultanbek Qojanov pen Turar Rysqulov siiaqty qairatkerler negizin qalaǵan «Aqjol» gazetinen bastaý alady. Bul gazette qazaq rýhaniiaty men jýrnalistikasyna eńbek sińirgen qalamgerler men jýrnalisterdiń, el janashyrlarynyń qalamynyń izi qalǵan. Ońtústik jýrnalisteriniń qasietti qarashańyraǵy qazirgi tańda Memleket basshysy Qasym-Jomart Toqaevtyń sara saiasatyn elge keńinen túsindirip, Túrkistan óńiriniń damýyna úles qosýda. Gazet ujymy tek jýrnalistikamen shektelmei, ulttyq qundylyqtardy dáripteýge bastamashy bolyp júr. Oǵan dálel retinde qazaq kúresinen «Ońtústik Qazaqstan» gazetiniń dástúrli týrnirin, jas jyrshylar baiqaýyn aitýǵa bolady.
Aita keteiik, bir ǵasyrda «Ońtústik Qazaqstan» gazetine 30-dan astam bilikti jýrnalister redaktorlyq etti. Solardyń arasynda redaktor Áset Tileýkeev, Ámirseiit Áliev, Kárim Úkibaev, Anar Bákirova syndy qairatker tulǵalar gazet tarihynda qaldy.
Búginde 21 myń 650-shi sany jaryq kórip otyrǵan basylym Ońtústik aimaq qana emes, elimizdegi tarihi gazetterdiń biri
