Almaty oblysynda quqyq qorǵaý organynyń qyzmetkeri óli tabyldy. Marqumnyń súiegin mal izdep júrgen turǵyndardyń biri Kegen aýdanyndaǵy taýly aýmaqtan baiqaǵan, dep habarlaidy dalanews.kz.
"KTK" arnasynyń málimetinshe, 15 jyl ishki ister salasynda eńbek etken azamat qol-aiaǵy bailanǵan ári órtengen kúide jatqan. Jaqyndary marqumdy jer qoinyna tapsyrǵan.
Aldyn ala málimet boiynsha qylmys Almaty qalasynda jasalǵan bolýy múmkin. Qazir marqumnyń jubaiy, kámeletke tolmaǵan uly jáne onyń dosy kúdikti retinde ustalyp, qamaýǵa alynǵan.
Kórshileriniń aitýynsha, otbasy jaily buryn eshqandai jaǵymsyz áńgime bolmaǵan. Oqiǵa bolǵan kúni de kúmán týdyratyn shý nemese janjal estilmegen.
"Eshteńe bilmeimiz. Óte jaqsy adamdar edi. Ózi de, jubaiy da", - deidi kórshileri.
Marqumnyń artynda jeti balasy qalǵan.
