Ońtústik meditsinalyq týrizmdi damytýǵa qolaily aimaq
Kezdesý barysynda taraptar eki el arasyndaǵy saýda-ekonomikalyq qarym-qatynasty damytý jóninde pikir almasty. Sondai-aq, densaýlyq saqtaý, bilim, innovatsiia salalaryn birigip damytý maqsatynda bailanysty nyǵaitýǵa ýaǵdalasty.
Óz kezeginde sóz alǵan qor jetekshisi An Larisa Qazaqstan jáne Ońtústik Koreia respýblikalary arasyndaǵy áriptestik qarym-qatynastyń jaqsy deńgeide ekendigin atap ótip, Ońtústik Qazaqstan oblysynan halyqaralyq qordyń ókildigin ashýǵa nietti ekendigin jetkizdi.
– Ońtústik Qazaqstan oblysynyń 3 millionǵa jýyq turǵyny bar. Jambyl, Qyzylorda syndy kórshi oblystar da bizge jaqyn ornalasqan. Sondyqtan búgingi usynys-pikirlerińiz eskerýsiz qalmaidy. Ásirese meditsinalyq týrizmdi damytý jónindegi usynystaryńyzdy qoldaýǵa ázirmiz. Bul rette Ońtústik Koreianyń úzdik zamanaýi tehnologiialaryn birlese meńgerý óte mańyzdy, – dedi Janseiit Qanseiituly.
Kezdesý barysynda oblystyq densaýlyq saqtaý basqarmasy men «Severance – KZ» halyqaralyq meditsinalyq qory arasynda yntymaqtastyq jónindegi memorandýmǵa qol qoiyldy. Atalǵan kelisim negizinde qor azamattarymyzǵa meditsinalyq kómek kórsetip, áleýmettik mekemelerge qolǵabys jasaityn bolady. Sonymen qatar, ota jasaýda, kadr daiarlaý, donor tabý máselelerinde óńirlik mekemelermen birlese jumys atqarmaq.
OQO ákiminiń baspasóz qyzmeti
