كەزدەسۋ بارىسىندا تاراپتار ەكى ەل اراسىنداعى ساۋدا-ەكونوميكالىق قارىم-قاتىناستى دامىتۋ جونىندە پىكىر الماستى. سونداي-اق، دەنساۋلىق ساقتاۋ، ءبىلىم، يننوۆاسيا سالالارىن بىرىگىپ دامىتۋ ماقساتىندا بايلانىستى نىعايتۋعا ۋاعدالاستى.
ءوز كەزەگىندە ءسوز العان قور جەتەكشىسى ان لاريسا قازاقستان جانە وڭتۇستىك كورەيا رەسپۋبليكالارى اراسىنداعى ارىپتەستىك قارىم-قاتىناستىڭ جاقسى دەڭگەيدە ەكەندىگىن اتاپ ءوتىپ، وڭتۇستىك قازاقستان وبلىسىنان حالىقارالىق قوردىڭ وكىلدىگىن اشۋعا نيەتتى ەكەندىگىن جەتكىزدى.
– وڭتۇستىك قازاقستان وبلىسىنىڭ 3 ميلليونعا جۋىق تۇرعىنى بار. جامبىل، قىزىلوردا سىندى كورشى وبلىستار دا بىزگە جاقىن ورنالاسقان. سوندىقتان بۇگىنگى ۇسىنىس-پىكىرلەرىڭىز ەسكەرۋسىز قالمايدى. اسىرەسە مەديسينالىق ءتۋريزمدى دامىتۋ جونىندەگى ۇسىنىستارىڭىزدى قولداۋعا ءازىرمىز. بۇل رەتتە وڭتۇستىك كورەيانىڭ ۇزدىك زاماناۋي تەحنولوگيالارىن بىرلەسە مەڭگەرۋ وتە ماڭىزدى، – دەدى جانسەيىت قانسەيىت ۇلى.
كەزدەسۋ بارىسىندا وبلىستىق دەنساۋلىق ساقتاۋ باسقارماسى مەن «Severance – KZ» حالىقارالىق مەديسينالىق قورى اراسىندا ىنتىماقتاستىق جونىندەگى مەموراندۋمعا قول قويىلدى. اتالعان كەلىسىم نەگىزىندە قور ازاماتتارىمىزعا مەديسينالىق كومەك كورسەتىپ، الەۋمەتتىك مەكەمەلەرگە قولعابىس جاسايتىن بولادى. سونىمەن قاتار، وتا جاساۋدا، كادر دايارلاۋ، دونور تابۋ ماسەلەلەرىندە وڭىرلىك مەكەمەلەرمەن بىرلەسە جۇمىس اتقارماق.
وقو اكىمىنىڭ باسپا ءسوز قىزمەتى
