Ońtústik Koreianyń Joǵarǵy soty eldiń burynǵy prezidenti Pak Kyn Hege qatysty úkimdi bekitti. Bul jóninde 14 qańtarda "Rionhap" agenttigi habarlady. Ol endi abaqtyda 22 jyl otyrady. 2018 jyly saiasatker 24 jylǵa sottalǵan.
Pak Kyn He — 1979 jyly qastandyqpen óltirilgen eldiń burynǵy prezidenti Pak Chon Hidiń qyzy. Ol elin kedeishilikten alyp shyǵyp, álemniń damyǵan memleketterdiń birine ainaldyrǵan saiasatker retinde tanymal.1998 jyly Kyn He ákesi qurǵan partiiasy atynan parlamentke sailanǵan. 2012 jyly Ońtústik Koreia tarihyndaǵy birinshi áiel prezident boldy.
2016 jyly qurbysyna memlekettik qupiiany jariialady dep jáne korrýptsiiaǵa bailanysty aiyptar taǵyldy. Jappai narazylyq sharalarynan keiin parlament oǵan impichment jariialady. 2017 jyly ol ustaldy.
1980 jyldan beri Ońtústik Koreiada prezident bolǵan segiz saiasatkerdiń tórteýi sottalǵan. Onyń bireýi ózine qol jumsap qaitys boldy. Bireýi ólim jazasyna kesilgen, biraq oǵan raqymshylyq jasaldy.
