وڭتٷستٸك كورەيانىڭ جوعارعى سوتى ەلدٸڭ بۇرىنعى پرەزيدەنتٸ پاك كىن حەگە قاتىستى ٷكٸمدٸ بەكٸتتٸ. بۇل جٶنٸندە 14 قاڭتاردا "ريونحاپ" اگەنتتٸگٸ حابارلادى. ول ەندٸ اباقتىدا 22 جىل وتىرادى. 2018 جىلى ساياساتكەر 24 جىلعا سوتتالعان.
پاك كىن حە — 1979 جىلى قاستاندىقپەن ٶلتٸرٸلگەن ەلدٸڭ بۇرىنعى پرەزيدەنتٸ پاك چون حيدٸڭ قىزى. ول ەلٸن كەدەيشٸلٸكتەن الىپ شىعىپ, ەلەمنٸڭ دامىعان مەملەكەتتەردٸڭ بٸرٸنە اينالدىرعان ساياساتكەر رەتٸندە تانىمال.1998 جىلى كىن حە ەكەسٸ قۇرعان پارتيياسى اتىنان پارلامەنتكە سايلانعان. 2012 جىلى وڭتٷستٸك كورەيا تاريحىنداعى بٸرٸنشٸ ەيەل پرەزيدەنت بولدى.
2016 جىلى قۇربىسىنا مەملەكەتتٸك قۇپييانى جارييالادى دەپ جەنە كوررۋپتسيياعا بايلانىستى ايىپتار تاعىلدى. جاپپاي نارازىلىق شارالارىنان كەيٸن پارلامەنت وعان يمپيچمەنت جارييالادى. 2017 جىلى ول ۇستالدى.
1980 جىلدان بەرٸ وڭتٷستٸك كورەيادا پرەزيدەنت بولعان سەگٸز ساياساتكەردٸڭ تٶرتەۋٸ سوتتالعان. ونىڭ بٸرەۋٸ ٶزٸنە قول جۇمساپ قايتىس بولدى. بٸرەۋٸ ٶلٸم جازاسىنا كەسٸلگەن, بٸراق وعان راقىمشىلىق جاسالدى.
