Ońtústik Koreıada búginde shamamen 15 myń qazaqstandyq bar, olardyń 11 myńy elde zańsyz júrgender qatarynda. Bul týraly Eńbek jáne halyqty áleýmettik qorǵaý birinshi vıse-mınıstri Asqarbek Ertaev málimdedi, dep habarlaıdy Dalanews.kz.
Onyń aıtýynsha, Qazaqstan tarapy Koreıamen eńbek qyzmetin zańdastyrý jónindegi kelisimdi eki jyl boıy talqylap keledi. Alaıda Koreıadaǵy saıası ózgerister kelissóz prosesin ýaqytsha baıaýlatqan.
"Kúzdiń sońyna deıin kelissózdi jalǵastyrýdy josparlap otyrmyz. Óıtkeni elimizden barǵan 15 myń adamnyń 11 myńy zańsyz jumys istep júr", — dedi Ertaev.
Sheneýnik Koreıa úkimeti Qazaqstannan zańsyz júrgen azamattar boıynsha naqty shara qabyldaýdy talap etkenin atap ótti.
"Zańsyz júrý - kóshi-qon erejelerin buzý. Sondyqtan azamattarǵa óz erkimen elge oralyp, keıin kelisim aıasynda resmı túrde jumysqa ornalasýǵa keńes beremiz", — dedi ol.
