وڭتۇستىك كورەيادا بۇگىندە شامامەن 15 مىڭ قازاقستاندىق بار، ولاردىڭ 11 مىڭى ەلدە زاڭسىز جۇرگەندەر قاتارىندا. بۇل تۋرالى ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى اسقاربەك ەرتايەۆ مالىمدەدءى، دەپ حابارلايدى Dalanews.kz.
ونىڭ ايتۋىنشا، قازاقستان تاراپى كورەيامەن ەڭبەك قىزمەتىن زاڭداستىرۋ جونىندەگى كەلىسىمدى ەكى جىل بويى تالقىلاپ كەلەدى. الايدا كورەياداعى ساياسي وزگەرىستەر كەلىسسوز پروسەسىن ۋاقىتشا باياۋلاتقان.
"كۇزدىڭ سوڭىنا دەيىن كەلىسسوزدى جالعاستىرۋدى جوسپارلاپ وتىرمىز. ويتكەنى ەلىمىزدەن بارعان 15 مىڭ ادامنىڭ 11 مىڭى زاڭسىز جۇمىس ىستەپ ءجۇر"، — دەدى ەرتايەۆ.
شەنەۋنىك كورەيا ۇكىمەتى قازاقستاننان زاڭسىز جۇرگەن ازاماتتار بويىنشا ناقتى شارا قابىلداۋدى تالاپ ەتكەنىن اتاپ ءوتتى.
"زاڭسىز ءجۇرۋ - كوشى-قون ەرەجەلەرىن بۇزۋ. سوندىقتان ازاماتتارعا ءوز ەركىمەن ەلگە ورالىپ، كەيىن كەلىسىم اياسىندا رەسمي تۇردە جۇمىسقا ورنالاسۋعا كەڭەس بەرەمىز"، — دەدى ول.
