[caption id="attachment_31247" align="alignleft" width="300"]
Biyl oblysymyzda agroónerkásip keshenin memlekettik qoldaýdyń arqasynda aýyl sharýashylyǵy salasynda úlken jetistikterge qol jetkizilip otyr. Basqarma basshysynyń aitýynsha, aǵymdaǵy jyldyń 9 aiynda óńir sharýalary 376,5 mlrd. teńgeniń ónimin óndirgen. Onyń 172 mlrd teńgesi mal sharýashylyǵyna, al 203,5 mlrd teńgesi egin sharýashylyǵyna tiesili. Nátijesinde aýyl sharýashylyǵy salasyndaǵy jalpy ónim kólemi ótken jylmen salystyrǵanda 57 mlrd. teńgege artqan. Respýblika kóleminde aýyl sharýashylyǵy salasynda oblystyń úlesi 13 paiyzdy qurap, 2-oryndy iemdenip otyr.
– Oblysymyzda aýyl sharýashylyǵyna tartylǵan investitsiialardyń kólemi 23,7 mlrd. teńgeni qurap, ótken jyldyń tiisti kezeńimen salystyrǵanda 4,2 esege artty. Onyń ishinde tamaq ónimderin óndirýdegi investitsiia kólemi 9,3 mlrd. teńgege jetip, ótken jylmen salystyrǵanda 2,6 esege ulǵaiyp otyr. Sondai-aq biyl óńirdegi aýyl sharýashylyǵy eksportynyń kólemi 211,4 mln. AQSh dollaryna jetti. Al, import kólemi 320 mln. AQSh dollaryn qurady, – dedi Serik Ordabekuly.
Aǵymdaǵy jyly aýyl sharýashylyǵy daqyldarynyń egis kólemi oblys boiynsha 818,1 myń gektardy qurap, ótken jylmen salystyrǵanda 29,3 myń gektarǵa artqan. Sondai aq, «Sybaǵa» baǵdarlamasymen 14516 bas iri qara, «Altyn asyq» baǵdarlamasy negizinde 26230 bas qoi, al «Qulan» baǵdarlamasy aiasynda 2557 bas jylqy satyp alynypty. Al sýarmaly jerlerdiń ulǵaitý boiynsha 3 106 gektar jerdi aǵyn sýmen qamtamasyz etip, 1 057 gektar sýarmaly jer jańadan iske qosylǵan.
OQO ákiminiń baspasóz qyzmeti
https://dalanews.kz/30943
