[caption id="attachment_31247" align="alignleft" width="300"]
بيىل وبلىسىمىزدا اگروٶنەركەسٸپ كەشەنٸن مەملەكەتتٸك قولداۋدىڭ ارقاسىندا اۋىل شارۋاشىلىعى سالاسىندا ٷلكەن جەتٸستٸكتەرگە قول جەتكٸزٸلٸپ وتىر. باسقارما باسشىسىنىڭ ايتۋىنشا, اعىمداعى جىلدىڭ 9 ايىندا ٶڭٸر شارۋالارى 376,5 ملرد. تەڭگەنٸڭ ٶنٸمٸن ٶندٸرگەن. ونىڭ 172 ملرد تەڭگەسٸ مال شارۋاشىلىعىنا, ال 203,5 ملرد تەڭگەسٸ ەگٸن شارۋاشىلىعىنا تيەسٸلٸ. نەتيجەسٸندە اۋىل شارۋاشىلىعى سالاسىنداعى جالپى ٶنٸم كٶلەمٸ ٶتكەن جىلمەن سالىستىرعاندا 57 ملرد. تەڭگەگە ارتقان. رەسپۋبليكا كٶلەمٸندە اۋىل شارۋاشىلىعى سالاسىندا وبلىستىڭ ٷلەسٸ 13 پايىزدى قۇراپ, 2-ورىندى يەمدەنٸپ وتىر.
– وبلىسىمىزدا اۋىل شارۋاشىلىعىنا تارتىلعان ينۆەستيتسييالاردىڭ كٶلەمٸ 23,7 ملرد. تەڭگەنٸ قۇراپ, ٶتكەن جىلدىڭ تيٸستٸ كەزەڭٸمەن سالىستىرعاندا 4,2 ەسەگە ارتتى. ونىڭ ٸشٸندە تاماق ٶنٸمدەرٸن ٶندٸرۋدەگٸ ينۆەستيتسييا كٶلەمٸ 9,3 ملرد. تەڭگەگە جەتٸپ, ٶتكەن جىلمەن سالىستىرعاندا 2,6 ەسەگە ۇلعايىپ وتىر. سونداي-اق بيىل ٶڭٸردەگٸ اۋىل شارۋاشىلىعى ەكسپورتىنىڭ كٶلەمٸ 211,4 ملن. اقش دوللارىنا جەتتٸ. ال, يمپورت كٶلەمٸ 320 ملن. اقش دوللارىن قۇرادى, – دەدٸ سەرٸك وردابەكۇلى.
اعىمداعى جىلى اۋىل شارۋاشىلىعى داقىلدارىنىڭ ەگٸس كٶلەمٸ وبلىس بويىنشا 818,1 مىڭ گەكتاردى قۇراپ, ٶتكەن جىلمەن سالىستىرعاندا 29,3 مىڭ گەكتارعا ارتقان. سونداي اق, «سىباعا» باعدارلاماسىمەن 14516 باس ٸرٸ قارا, «التىن اسىق» باعدارلاماسى نەگٸزٸندە 26230 باس قوي, ال «قۇلان» باعدارلاماسى اياسىندا 2557 باس جىلقى ساتىپ الىنىپتى. ال سۋارمالى جەرلەردٸڭ ۇلعايتۋ بويىنشا 3 106 گەكتار جەردٸ اعىن سۋمەن قامتاماسىز ەتٸپ, 1 057 گەكتار سۋارمالى جەر جاڭادان ٸسكە قوسىلعان.
وقو ەكٸمٸنٸڭ باسپاسٶز قىزمەتٸ
https://dalanews.kz/30943
