– Budan 10-15 jyl buryn ózimiz osyndai alýan túrli ónim óndiremiz dep oilap pa edik? Al búgin ol shyndyqqa ainaldy, – degen Nursultan Ábishuly óńirimiz kásipkerlikti damytý arqyly kóshbasshy aimaqqa ainalýy tiistigin jetkizdi.
Jiyn sońynda Nursultan Nazarbaev jinalǵan kópshilikke baq-bereke tilep, joǵary óndiristik kórsetkishterge qol jetkizýlerine niettestigin bildirdi.
Aita keteiik, memlekettik indýstrialdy-innovatsiialyq damý baǵdarlamasy aiasynda iske qosylǵan «DALA-FRUIT.KZ» JShS-nde bastapqyda 83 adam turaqty jumyspen qamtylyp, kompaniia jumysyn bastaǵan úsh jylda onyń sany 277 adamǵa jetken. Jalpy kólemi 106,5 gektar bolatyn seriktestik baýyna 215 myń túpten astam jemis aǵashtary egilgen. Munda almanyń «Grenni», «Smit», «Fýdji», «Golden –delishes», «Gala», «Aidered» alhory men shieniń «Stenlei» atty sheteldik suryptaryn kezdestirýge bolady. Iaǵni, mundaǵy 1 gekter jerge shamamen 2500 túp aǵash kósheti qondyrylǵan. Zamanaýi tehnikamen jabdyqtalǵan baý tamshylatyp sýarý júiesi arqyly jumys isteidi.
Ońtústik Qazaqstanda intensivti baý sharýashylyǵyn qarqyndy damytý jumystary qolǵa alynǵany belgili. Oblysta jalpy jemis-jidek aǵashtary alqaptarynyń kólemi 19,5 myń ga qurasa, onyń 2 myń gektary qarqyndy baýlarǵa jatady. Óńir sharýalary osy jyly aimaqta 1,5 myń ga jerge qarqyndy baý tásilimen kóshetter otyrǵyzyp, intensivti baýlardyń jalpy kólemin 3,5 myń ga jetkizý josparlanýda.
Jalpy, Aýyl sharýashylyǵy salasy Ońtústik Qazaqstan oblysy ekonomikasynyń negizgi baǵyty. Osy jyldyń qańtar - naýryz ailaryna aýyl sharýashylyǵynyń jalpy ónim kólemi 64,4 mlrd.tń, qurap, ótken jyldyń tiisti kezeńimen salystyrǵanda 7,9 mlrd. tń. artty. Osylaisha, respýblika boiynsha aýyl sharýashylyǵynda OQO úlesi 18,2 % qurap, birinshi orynǵa shyqty.
OQO ákiminiń baspasóz qyzmeti
