Onyń aıtýynsha, bıylǵy jyldyń 1 qyrkúıeginen bastap, 3,6,8 synyptar, 2019 jyly 0,4,9,10 synyptar, 2020 jyly 11 synyp ustazdarynyń jalaqylary da 30 paıyzǵa joǵarylaıdy.
– Aýyldyq eldimekendegi mektep muǵalimderiniń jalaqylaryna sanattaryna qaraı ortasha eseppen 30 myń men 21 myń teńgeniń tóńireginde qarjy qosylady. Al, qalalyq mektep muǵalimderine ortasha eseppen 24 myń men 17 myń teńgeniń aralyǵynda qosymsha eńbekaqy tólenetin bolady, – dedi Isataı Ómirzaquly.
Sondaı-aq, jıynda basqarma basshysy óńirdegi bilim salasynyń basty jańalyǵy retinde Ulttyq biryńǵaı testileýine daıyndalýǵa arnalǵan http://ontest.kz baǵdarlamasymen tanystyrdy. Mektep oqýshylary synaqqa daıyndalý úshin onlaın rejımde atalǵan saıtqa kirip óz bilimderiniń qanshalyqty deńgeıde ekenin bile alady.
Oqýshy júıede jumys isteý úshin aty-jónin, elektrondy pochtasyn, jasyryn sózdi, aýdanyn, ózi oqıtyn mektebin engizip tirkelýi kerek. Synaq tapsyrýshy testileý qorytyndysyn sol mezette bile alady. Sonymen qatar onda oqýshynyń jeke kabınetinde qashan jáne qansha ret testen ótkeni týraly málimetter bolady.
Sondaı-aq, oqýshy qaı suraqtarǵa durys jaýap bermegeni týraly málimetti kórip qatemen jumys isteýge múmkindigi bar. Shákirtter úshin testileý tegin jáne mobıldi qurylǵy arqyly da paıdalana alady. Respýblıkada alǵash ret qolǵa alynyp otyrǵan júıe aqysyz túrde jumys jasaıdy.
Aıta keteıik, osy baǵdarlama arqyly bilim basqarmasy oblystyń kez-kelgen mektebinde qansha oqýshy daıyndyq synaǵyn tapsyrǵany, onyń pánder boıynsha orta balyn, mekteptiń orta balyn, aýdannyń orta balyn kórý múmkindigine qol jetkizip otyr.
OQO ákiminiń baspasóz qyzmeti
https://dalanews.kz/24913
