Ońtústik EKSPO-ǵa usynylaǵan ozyq 105 tehnologiianyń igiligin kórmekshi
Ákimniń aitýynsha, qazirgi ýaqytta kásiporyndarda ozyq tehnologiialar qarastyrylǵan 27 jobany engizý boiynsha jumystar júrgizilýde. Máselen, «Shymkentmai» AQ-y katalitikalyq deaerotsiondyq qondyrǵyny óndiris protsessinde paidalanbaq. Al Chehiia, Resei elderiniń qaldyqtardy óńdeý boiynsha «HEDVIGA GROUP» jáne «WiseSoiL» kompaniialardyń jobalaryn «Tehnologiia-21» jáne «Taza qala» JShS-teri qaldyqtardy óńdeý zaýytynyń óndiris jumystaryna engizbek. Sonymen qatar, «Jinalǵan sýdy tazartýǵa arnalǵan mobildi kompleks» jáne «Kún batareialaryn basqarý júiesi» jobalaryn «Sý resýrstar-Marketing» JShS-i qoldananysqa engizetin bolsa, Malaiziia memleketiniń kóshe jaryqtandyrýǵa «Q-RAU tm» jaryq diodty lampylaryn «Aqsemserstroiservis» kásiporyny Shymkent qalasyndaǵy kóshelerdi jaryqtandyrýǵa paidalanýdy qarastyrýda. Budan bólek, EKSPO halyqaralyq kórme taqyryby boiynsha óńirde ónerkásip, ekologiia, aýyl sharýashylyǵy salasynda da jańa tehnologiialardy engizý boiynsha birqatar jumystar atqarylyp jatyr.
– Búgingi tańda oblysymyzda Elbasynyń «Jasyl ekonomikaǵa» kóshý jónindegi tujyrymdamasyn iske asyrýǵa baǵyttalǵan aýqymdy jumystar jasalýda. Qazirgi kúnge óńirde 5 jańartylǵan energiia kózderi nysandary jumys istep tur. Olar jalpy qýaty 5,8 MVt bolatyn 3 shaǵyn sý elektr stantsiialary bolsa, osy jyly qosymsha jalpy qýaty 3,5 MVt bolatyn 2 shaǵyn sý elektr stantsiialary iske qosylatyn bolady. Júrgizilgen zertteýler negizinde, aldaǵy jyldary oblystaǵy 122 ózenderde jalpy qýaty 420 MVt-ty quraityn shaǵyn sý elektr stantsiialaryn salý josparlanyp otyr. Qazirdiń ózinde Ógem ózeninde jalpy qýaty 57 MVt bolatyn kaskadty shaǵyn sý elektr stantsiialaryn salý jóninde Túrkiianyń «DOGUS» Constraction kompaniiasymen kelissózder júrgizilýde, – dedi J.Túimebaev.
Elordamyz Astanada ótken «EKSPO*2017» halyqaralyq mamandandyrylǵan kórme sátti ótkenin aitqan aimaq basshysy, álemniń nazarynda bolǵan tarihi sharany 151 myńnan astam ońtústikqazaqstandyq baryp tamashalaǵanyn atap ótti.
OQO ákiminiń baspasóz qyzmeti
