اكىمنىڭ ايتۋىنشا، قازىرگى ۋاقىتتا كاسىپورىنداردا وزىق تەحنولوگيالار قاراستىرىلعان 27 جوبانى ەنگىزۋ بويىنشا جۇمىستار جۇرگىزىلۋدە. ماسەلەن، «شىمكەنتماي» اق-ى كاتاليتيكالىق دەاەروسيوندىق قوندىرعىنى ءوندىرىس پروسەسسىندە پايدالانباق. ال چەحيا، رەسەي ەلدەرىنىڭ قالدىقتاردى وڭدەۋ بويىنشا «HEDVIGA GROUP» جانە «WiseSoiL» كومپانيالاردىڭ جوبالارىن «تەحنولوگيا-21» جانە «تازا قالا» جشس-تەرى قالدىقتاردى وڭدەۋ زاۋىتىنىڭ ءوندىرىس جۇمىستارىنا ەنگىزبەك. سونىمەن قاتار، «جينالعان سۋدى تازارتۋعا ارنالعان ءموبيلدى كومپلەكس» جانە «كۇن باتارەيالارىن باسقارۋ جۇيەسى» جوبالارىن «سۋ رەسۋرستار-ماركەتينگ» ءجشس-ى قولدانانىسقا ەنگىزەتىن بولسا، مالايزيا مەملەكەتىنىڭ كوشە جارىقتاندىرۋعا «Q-RAU tm» جارىق ديودتى لامپىلارىن «اقسەمسەرسترويسەرۆيس» كاسىپورىنى شىمكەنت قالاسىنداعى كوشەلەردى جارىقتاندىرۋعا پايدالانۋدى قاراستىرۋدا. بۇدان بولەك، ەكسپو حالىقارالىق كورمە تاقىرىبى بويىنشا وڭىردە ونەركاسىپ، ەكولوگيا، اۋىل شارۋاشىلىعى سالاسىندا دا جاڭا تەحنولوگيالاردى ەنگىزۋ بويىنشا ءبىرقاتار جۇمىستار اتقارىلىپ جاتىر.
– بۇگىنگى تاڭدا وبلىسىمىزدا ەلباسىنىڭ «جاسىل ەكونوميكاعا» كوشۋ جونىندەگى تۇجىرىمداماسىن ىسكە اسىرۋعا باعىتتالعان اۋقىمدى جۇمىستار جاسالۋدا. قازىرگى كۇنگە وڭىردە 5 جاڭارتىلعان ەنەرگيا كوزدەرى نىساندارى جۇمىس ىستەپ تۇر. ولار جالپى قۋاتى 5،8 مۆت بولاتىن 3 شاعىن سۋ ەلەكتر ستانسيالارى بولسا، وسى جىلى قوسىمشا جالپى قۋاتى 3،5 مۆت بولاتىن 2 شاعىن سۋ ەلەكتر ستانسيالارى ىسكە قوسىلاتىن بولادى. جۇرگىزىلگەن زەرتتەۋلەر نەگىزىندە، الداعى جىلدارى وبلىستاعى 122 وزەندەردە جالپى قۋاتى 420 مۆت-تى قۇرايتىن شاعىن سۋ ەلەكتر ستانسيالارىن سالۋ جوسپارلانىپ وتىر. ءقازىردىڭ وزىندە وگەم وزەنىندە جالپى قۋاتى 57 مۆت بولاتىن كاسكادتى شاعىن سۋ ەلەكتر ستانسيالارىن سالۋ جونىندە تۇركيانىڭ «DOGUS» Constraction كومپانياسىمەن كەلىسسوزدەر جۇرگىزىلۋدە، – دەدى ج.تۇيمەبايەۆ.
ەلوردامىز استانادا وتكەن «ەكسپو*2017» حالىقارالىق مامانداندىرىلعان كورمە ءساتتى وتكەنىن ايتقان ايماق باسشىسى، الەمنىڭ نازارىندا بولعان تاريحي شارانى 151 مىڭنان استام وڭتۇستىكقازاقستاندىق بارىپ تاماشالاعانىن اتاپ ءوتتى.
وقو اكىمىنىڭ باسپا ءسوز قىزمەتى
