Osy rette vebınarlar barysynda elimizdegi talantty jastar teatr óneri, kıno, poezıa, ádebıet, fotografıa, zamanaýı óner jáne kreatıvti ındýstrıa salasyndaǵy artist talks ótkizdi. Jastar kókeıge tunǵan oılaryn ashyq aıtyp, oı-pikirlerin ortaǵa saldy.
Onlaın formatta ótken bıylǵy festıvál kezinde ortalyqtan shalǵaı jatqan alys aýdan-aýyldaǵy jastar da baıqaýǵa qatysyp, baǵyn synaýǵa múmkindik alýy basty erekshelik retinde aıta ketýimiz kerek. Aýyl balalary ózderiniń smartfondaryn qolǵa alyp, baıqaýdy barynsha qyzdyrdy desek bolady. Bıylǵy shara onlaın formatta ótkenine qaramastan qatysýyshlardyń sany kóp boldy. Bizdiń bul sózimizge «JasSTAR» tikeleı efırleri 70 myńnan astam qaraǵany aıqyn mysal bola alady. Osy rette Sonymen qatar, efırlik jazbalar YouTube-te tegin qol jetimdi jáne uzaq jyldarǵa shyǵarmashylyq mamandyq stýdentteri úshin paıdaly praktıkalyq oqý materıaly retinde qyzmet etetinin de aıta ketýimiz kerek.
Úsh apta boıy Qazaqstan, Reseı, Grýzıa jáne Ózbekstannan kelgen 35 sarapshy, belgili mádenıet qaıratkerleri ózderiniń biregeı sheberlik synyptaryn ótkizip, qatysýshylardyń suraqtaryna tikeleı efırde jaýap berdi.
Qazirgi zamanǵy mádenıet pen óner áleminiń tanymal kásipqoılary – Marıın teatrynyń jetekshi solısi Mıhaıl Vekýa, Eýropa kınoakademıasy múshesi, kınorejısser Ádilhan Erjanov, prodúser Serik Ábishev, fotodokýmentalıst Sergeı Maksımıshın, akter Eljas Rahym, Qazaqstan qolónershiler odaǵynyń prezıdenti Aıjan Bekqulova, qazirgi zaman óneriniń kýratory Irena Popıashvılı jáne taǵy basqalar festıvál qatysýshylarymen ózderiniń baǵa jetpes tájirıbelerimen, bilimderimen jáne tabys qupıalarymen bólisti.
Esterińizge sala keteıik, «JasSTAR» festıváliniń baıqaý baǵdarlamasy jalǵasýda jáne jas qazaqstandyqtar 1 jeltoqsanǵa deıin qatysýǵa ótinim bere alady. Jeńimpazdardy aqshalaı syılyqtar kútýde: 1 oryn – 300 000 teńge; 2 oryn – 200 000 teńge; 3 oryn – 100 000 teńge. Baıqaý sharttary týraly tolyǵyraq jasstar.kz saıtynan bilýge bolady.
