Memlekettik qyzmetterdiń sapasy – jergilikti atqarýshy organdardyń tiimdiligin aiqyndaityn basty kórsetkishterdiń biri. Finprom.kz analitikalyq portaly akimattardyń bul mindetti qalai oryndap jatqany jóninde baiandaidy. ShQO reitingte kósh bastap tur, dep habarlaidy Dalanews.kz
2025 jylǵa arnalǵan «Memlekettik qyzmetter sapasyn qoǵamdyq monitoring nátijeleri týraly esepte» jergilikti atqarýshy organdardyń reitingi onlain-monitoring pen memlekettik qyzmet kórsetý sheńberindegi monitoring derekteri negizinde jasalyp, nátijelerdiń tolyq ári senimdi baǵalanýy qamtamasyz etildi. Jalpy baǵa eki ádis boiynsha alynǵan kórsetkishterdiń arifmetikalyq orta mánimen esepteldi.
Keshendi baǵalaý qorytyndysy boiynsha reitingtiń kósh basyna shyqqan óńirler:
• Shyǵys Qazaqstan oblysy — 4,95 upai, tolyq qanaǵattaný deńgeii 94,6%;
• Aqmola oblysy — 4,94 upai, tolyq qanaǵattaný deńgeii 94,1%;
• Qostanai oblysy — 4,94 upai, tolyq qanaǵattaný deńgeii 94,0%.
Eń sońǵy oryndarda Qyzylorda oblysy (4,84 upai, 79,8%), Astana qalasy (4,84 upai, 87,2%) jáne Jambyl oblysy (4,84 upai, 87,5%) atqarýshy organdary tur.
Arnaiy atap ótý kerek, memlekettik qyzmet kórsetý sapasy boiynsha kóshbasshy Qaraǵandy oblysy akimaty: baǵa — 4,93 upai, tolyq qanaǵattaný deńgeii — 93,8%.
Ekinshi orynda — Aqmola oblysy akimaty: baǵa — 4,93 upai, tolyq qanaǵattaný deńgeii — 92,7%.
Úshtikti Shyǵys Qazaqstan oblysy tolyqtyrady: baǵa — 4,92 upai, tolyq qanaǵattaný deńgeii — 92,6%.
