Úkimet basshysy Oljas Bektenov Semei, Stepnogorsk jáne Petropavl qalalarynda jylý júiesin iske qosýǵa basa nazar aýdarýdy tapsyrdy, dep habarlaidy dalanews.kz.
Premer-ministr Oljas Bektenovtiń tóraǵalyǵymen ótken Úkimet otyrysynda jylytý maýsymyna daiyndyq barysy qaraldy.
Energetika ministri Erlan Aqkenjenovtiń málimetinshe, Pavlodar oblysynda jylý berý maýsymy bastalǵan. Osy aptanyń sońyna deiin Soltústik Qazaqstan, Aqmola oblystaryna, al 1 qazanǵa deiin soltústik jáne shyǵys óńirlerdiń qalǵan bóligine jylý berý josparlanyp otyr.
Búginde Atyraý, Batys Qazaqstan, Qaraǵandy, Qyzylorda, Pavlodar oblystarynda jumystar tolyq aiaqtalǵan. Energiia kózderinde jylý berý maýsymyn bastaýǵa qajet otyn qory men jabdyqtar daiyn. Al Semei, Stepnogorsk jáne Petropavl qalalarynda daiyndyq jumystary áli tolyq aiaqtalmaǵan.
"Ministrdiń baiandamasynda aityldy, birqatar óńirde jóndeý jumystary tolyq aiaqtalmaǵan. Óńir ákimderi jylý berý máselesin tikelei baqylaýǵa alsyn. Semei, Stepnogorsk jáne Petropavl qalalarynda jylý júiesin iske qosýǵa basa nazar aýdarý qajet", - dedi Oljas Bektenov.
