Aita keteiik, keshe keibir pablikter men aqparat quraldaryna qaitys bolǵan Dastan Ábdiqanovtyń jubaiy suhbat berip, kólik apatyn jasaǵan azamattyń óz kúieýimen birge jumys istegenin aitqany týraly jazylǵan edi.
Dinara Ábdiqanova Instagram paraqshasynda «BMW júrgizýshisi qazir de quqyq qorǵaý organdary salasynda jumys isteidi. Ol buryn jumystan shyǵyp ketken degen aqparat shyndyqqa jatpaidy» dep jazba qaldyrǵan.
Alaida, politsiia inspektorynyń ákesi bul aqparattardy kelini jazbaǵanyn aitady. Aqparat quraldarynda taraǵan málimetterdi estigenin, biraq otbasy músheleriniń suhbat berýge múmkindikteri bolmaǵanyn jetkizdi.
– Bulardy jazǵan meniń kelinim emes. Ol jazbalardy meniń kelinimniń atyn paidalanyp basqa bireýler jazǵan. Ondai áńgimege ermeńder. Meniń kelinim ondai aitatyn jaǵdaida emes edi. Shok alyp, ólim týraly estigen kezde talyp qalyp, sodan beri esin jiia almai otyrdy. Dastannyń denesin ákelgende ǵana óz-ózine keldi.
Balamnyń (Dastan Ábdiqanov - avt.) Azatpen istegeninen habarym joq. Biletinim, ol bir ǵana balamen istep júrdi. Onyń esimi Jandos bolatyn. Qazir ol basqa bireýmen naparnik bolyp ketti. Bir kúni bireýmen, ekinshi kúni basqa bireýmen shyǵady. Osy ólgen kezinde janyndaǵy qyzmettesimen (Jaras Janǵaziev - avt.) túsken eken. Ekeýi ólip otyr. Oǵan adal bol dep úirettim. Jany jannatta bolsyn, adal júrdi, organda isteidi ekenmin dep jan-jaǵyna «pysyqai» kóriný degen bolmady. Bizdiń bireýge suhbat berýge, smartfondy ashýǵa jaǵdaiymyz bolǵan joq. Bizdiń atymyzdan aitylǵan áńgimelerge senbeńizder, – dedi Marat Ábdiqanov.
Rishat Asqarbekuly
