Atap aıtatyn bolsaq, eń baı juldyzdardyń kóshin bastap turǵan ánshi Qaırat Nurtas, “toıdyń patshasy” atanǵan Abaı Begeı jáne “Jigitter” tobynyń beldi múshesi Aıdar Baıjanov.
Búginde Mekke-Mádınada qajylyq mindetin atqaryp júrgen Qaırat Nurtastyń bul áreketi eldiń nazaryna ilinbeı qoımady. Kepterlerge jem shashyp, saýapqa kenelýdi kózdegen ánshiniń isi bireýlerdiń ashý-yzasyn týǵyzdy.
Dástúrli ánshi ári ónertanýshy Erlan Tóleýtaev estrada juldyzy Qaırattyń Mekkeden túsirgen beınejazbalaryn synǵa aldy. Ony táýap etý úshin emes, saıahattaýǵa kelgendeı dep baǵa berdi.
“Jem shashatyn bolsa elimizde-aq shashsyn, sonaý Mekke barmaı. Aıtysker aqyndardan: Balǵynbek, Tazabekov, Qaıyrtaıuly. Saýsaǵyn bylaı kórsetýdiń ózi ábestik qoı. Adamnyń júregi jylap barý kerek Allanyń aldyna.
Qazirgi fonershık ónerpazdardy men aıtqanmyn. Aýzyn jybyrlatyp aqsha taýyp ol “haram” jolmen aqsha taýyp artyq aqsha ony qaıda shyǵarady maqtanǵa shyǵarady, maqtannyń shyńy ne qajy bolý”, – deıdi ónertanýshy Erlan Tóleýtaı.
“Qajylyqqa barǵannan keıin siz búkil músheńizben, búkil aǵzańyzben, qulshylyqtasyz dep oılaımyn. Basqa nársege kóńil bólip qajeti joq”, – dep qoshtaı tústi “Zaman” tobynyń ánshisi Ergen Aıtymbetov.
Sazger Qaldybek Qurmanáli búginde óner adamdary arasyndaǵy keıbir “qajylar” qajy degen ataqqa laıyq emes degen pikirde. Sebebi, qajy óziniń minez-qulqymen, júris-turysymen, sózimen, adamdar arasynda jaqsy qarym-qatynasymen, jalpy bolmysymen úlgi bolýy tıis. Alaıda, sazgerdiń sózinshe, maqtan úshin, ataq úshin qajy atanǵandar jeterlik.
“Qajylyqqa baryp, kelip te ishimdik iship júrgen adamdardy bilemin. Qajylyqqa baryp qaıtqan, qajylyqqa baryp kelip te saýnaǵa, aqshaǵa karta oınap júrgen bolmasa, kazıno jaǵalap júrgen óner adamdaryn bilemiz”, – deıdi sazger Qaldybek Qurmanáli.
Ánshi Abaı Begeı sazgerdiń bul pikirine múldem qosylmaıdy. Ol kishi qajylyqqa osymen ekinshi ret attanyp jatyr. Ótken jyly belgili sebeptermen qajylyǵyn aıaqtaı almaǵan bolatyn.
“Ol jaqqa barmaǵan adam bireýdiń syrtynan aıtý ońaı. Aqshany qaıdan tapsa da bastysy ol jaqqa bardy. Ony alla taǵala shaqyrdy”, – deıdi Abaı Begeı.
Al, endi áleýmettik jelide kóp eldiń kúlkisin keltirdi. Alaıda, anasy ári prodúser Gúlzıra Aıdarbekovanyń mundaılarǵa óz aıtary bar.
“Aıta bersin. qansha jaqsy nárse jasasań da halyqtyń aıtqany aıtqan. Bılet joq bolyp, bireýler arqyly aldyrtyp, solaı ketti. Vıdeo túsirýi oǵan elikteıtinder bar. Sol úshin túsiredi”, – deıdi prodúser Gúlzıra Aıdarbekova.
Derekkózi: stan.kz
