ونەرتانۋشى مەككەگە بارىپ ۆيدەو تۇسىرگەن قايرات نۇرتاستى سىنادى

Dalanews 26 ماۋ. 2016 08:11 567

بۇگىندە مەككە-مادينا قالاسىندا مۇسىلماننىڭ بەس پارىزىنىڭ ءبىرى – قاسيەتتى قاجىلىق باستالدى. بۇل كىشى قاجىلىققا جىل سايىن 5 ميلليوننان استام مۇسىلمان اتتانادى. ونىڭ قاتارىندا بيىل ەلىمىزدىڭ شوۋ-بيزنەس وكىلدەرى دە بار. بۇل تۋرالى 31 ارنانىڭ “جۇلدىزدار جارقىرايدى” جوباسىندا ايتىلدى.

اتاپ ايتاتىن بولساق، ەڭ باي جۇلدىزداردىڭ كوشىن باستاپ تۇرعان ءانشى قايرات نۇرتاس، “تويدىڭ پاتشاسى” اتانعان اباي بەگەي جانە “جىگىتتەر” توبىنىڭ بەلدى مۇشەسى ايدار بايجانوۆ.

بۇگىندە مەككە-مادينادا قاجىلىق مىندەتىن اتقارىپ جۇرگەن قايرات نۇرتاستىڭ بۇل ارەكەتى ەلدىڭ نازارىنا ىلىنبەي قويمادى. كەپتەرلەرگە جەم شاشىپ، ساۋاپقا كەنەلۋدى كوزدەگەن ءانشىنىڭ ءىسى بىرەۋلەردىڭ اشۋ-ىزاسىن تۋعىزدى.

ءداستۇرلى ءانشى ءارى ونەرتانۋشى ەرلان تولەۋتايەۆ ەسترادا جۇلدىزى قايراتتىڭ  مەككەدەن تۇسىرگەن بەينەجازبالارىن سىنعا الدى. ونى ءتاۋاپ ەتۋ ءۇشىن ەمەس، ساياحاتتاۋعا كەلگەندەي دەپ باعا بەردى.

“جەم شاشاتىن بولسا ەلىمىزدە-اق شاشسىن، سوناۋ مەككە بارماي. ايتىسكەر اقىنداردان: بالعىنبەك، تازابەكوۆ، قايىرتاي ۇلى. ساۋساعىن بىلاي كورسەتۋدىڭ ءوزى ابەستىك قوي. ادامنىڭ جۇرەگى جىلاپ بارۋ كەرەك اللانىڭ الدىنا.

قازىرگى فونەرششيك ونەرپازداردى  مەن ايتقانمىن. اۋزىن جىبىرلاتىپ اقشا تاۋىپ  ول “حارام” جولمەن اقشا تاۋىپ  ارتىق اقشا ونى قايدا شىعارادى  ماقتانعا شىعارادى،  ماقتاننىڭ شىڭى نە قاجى بولۋ”، – دەيدى ونەرتانۋشى ەرلان تولەۋتاي.

“قاجىلىققا بارعاننان كەيىن  ءسىز بۇكىل مۇشەڭىزبەن، بۇكىل اعزاڭىزبەن، قۇلشىلىقتاسىز دەپ ويلايمىن. باسقا نارسەگە كوڭىل ءبولىپ قاجەتى جوق”، – دەپ قوشتاي ءتۇستى “زامان” توبىنىڭ ءانشىسى ەرگەن ايتىمبەتوۆ.

سازگەر قالدىبەك ءقۇرمانالى  بۇگىندە ونەر ادامدارى اراسىنداعى كەيبىر “قاجىلار” قاجى دەگەن اتاققا لايىق ەمەس دەگەن پىكىردە. سەبەبى، قاجى ءوزىنىڭ مىنەز-قۇلقىمەن، جۇرىس-تۇرىسىمەن، سوزىمەن، ادامدار اراسىندا جاقسى  قارىم-قاتىناسىمەن، جالپى بولمىسىمەن ۇلگى بولۋى ءتيىس. الايدا، سازگەردىڭ سوزىنشە، ماقتان ءۇشىن، اتاق ءۇشىن قاجى اتانعاندار جەتەرلىك.

“قاجىلىققا بارىپ، كەلىپ تە  ىشىمدىك ءىشىپ جۇرگەن ادامداردى بىلەمىن. قاجىلىققا بارىپ قايتقان، قاجىلىققا بارىپ كەلىپ تە ساۋناعا، اقشاعا كارتا ويناپ جۇرگەن بولماسا، كازينو جاعالاپ جۇرگەن ونەر ادامدارىن بىلەمىز”، – دەيدى سازگەر قالدىبەك ءقۇرمانالى.

ءانشى اباي بەگەي سازگەردىڭ بۇل پىكىرىنە مۇلدەم قوسىلمايدى. ول كىشى قاجىلىققا وسىمەن ەكىنشى رەت اتتانىپ جاتىر. وتكەن جىلى بەلگىلى سەبەپتەرمەن قاجىلىعىن اياقتاي الماعان بولاتىن.

“ول جاققا بارماعان ادام بىرەۋدىڭ سىرتىنان ايتۋ وڭاي. اقشانى قايدان تاپسا دا باستىسى ول جاققا باردى. ونى اللا تاعالا شاقىردى”، – دەيدى اباي بەگەي.

ال، ەندى الەۋمەتتىك جەلىدە كوپ ەلدىڭ كۇلكىسىن كەلتىردى. الايدا، اناسى ءارى پروديۋسەر گۇلزيرا ايداربەكوۆانىڭ مۇندايلارعا ءوز ايتارى بار.

“ايتا بەرسىن. قانشا جاقسى نارسە جاساساڭ دا حالىقتىڭ ايتقانى ايتقان. بيلەت جوق بولىپ، بىرەۋلەر ارقىلى الدىرتىپ، سولاي كەتتى. ۆيدەو ءتۇسىرۋى وعان ەلىكتەيتىندەر بار. سول ءۇشىن تۇسىرەدى”، – دەيدى پروديۋسەر گۇلزيرا ايداربەكوۆا.

 

دەرەككوزى: stan.kz

ۇسىنىلعان
سوڭعى جاڭالىقتار