Túrkistan oblysy ákimi Ómirzaq Shókeev, oblystyk máslihattyń hatshysy Qairat Balabiev, jazýshy, «Jazýshylar odaǵy» basqarmasy tóraǵasynyń orynbasary Mereke Qulkenov qatysqan konferentsiiaǵa aýdan, qala ákimderi, aýdandyq, qalalyq ardagerler uiymynan sailanǵan delegattar «onlain» rejimimen qatysyp otyrdy.
Basqosýda Túrkistannyń damýy týraly keńinen aityp ótken oblys ákimi tutastai Túrkistan oblysynyń damýy jolyndaǵy eńbekteri úshin oblys jurtshylyǵy atynan ardagerlerge alǵys bildirdi.
– Ózderińiz biletindei, Elbasymyz, QR Tuńǵysh Prezidenti Nursultan Nazarbaevtyń Túrkistan oblysyn qurý jónindegi jarlyǵynyń shyqqanyna 3 jyldan asa ýaqyt boldy. Osy ýaqyt kóleminde óńirimizde kóptegen sharalar qolǵa alyndy. Túrkistan qalasyn túrki áleminiń mádeni-rýhani jáne týristik ortalyǵyna ainaldyrý baǵytynda jospar túzilip, iske asyryldy. Bul – memleketimizdiń óńirimizge degen úlken qoldaýy. Búgingi tańda oblystyq ardagerler uiymy osy maqsatta tabysty eńbek etip keledi. Ulttyq tálim-tárbieni urpaq boiyna sińirý arqyly jurtshylyqty izgilikke, otanshyldyqqa, eńbekke qulshyndyrý baǵytynda oblys ardagerleriniń alar orny airyqsha dep bilemin. Úlgi bolar ardagerlerimizdiń aqyly bizdiń qoǵamǵa óte qajet. Biz búgingi orta býyn, ziialy qaýym ókilderiniń ideialary men oi-tujyrymdaryn Túrkistandy damytý baǵytynda paidalanatyn bolamyz. Búgingi basqosýda talqylanatyn máseleler men tiimdi usynystar, bastamalar jerde qalmaidy dep ýáde beremin. Tutastai Túrkistan oblysynyń damýy jolyndaǵy eńbekterińiz úshin oblys jurtshylyǵy atynan alǵys bildiremin, – dedi Ómirzaq Shókeev.
Kún tártibinde 5 másele qaraldy – Túrkistan oblystyq ardagerler keńesiniń esebi jáne mindetteri, tekserý komissiiasynyń esebi, oblystyq ardagerler keńesiniń múshelerin, tekserý komissiiasynyń múshelerin jáne Respýblikalyq VIII sezge delegattar sailaý. Oblystyq ardagerler keńesinin tóraǵasy 5 jyl kóleminde atqarylǵan aýqymdy jumystar týraly keńinen esep berdi.
Elbasymyz N.Nazarbaevtyń «Ardagerler – bizdiń altyn qorymyz, maqtanyshymyz. Olar elimizdiń erteńi úshin qan tókti, týǵan ólkemizdiń igiligine adal eńbek etti. Sondyqtan biz olardyń eńbekterin árqashan da umytpai baǵalap, ardagerlerge iltipat, qurmetpen qatar turmystyq-áleýmettik qamqorlyq kórsetýimiz kerek»,-dep aitqan qanatty sózin negizge alyp, óńirdegi zeinetkerlerdiń, ásirese UOS jáne tyl ardagerleriniń áleýmettik jáne turmystyq jaǵdailaryn jaqsartý boiynsha atqarǵan jumystar týraly baiandady.
«Áleýmettik qoldaýdy kajet etetin ardagerlerge 242 mln.teńge jeńildikpen kómek kórsetildi. 39 myń ardagerge saýyqtyrý úshin múmkindik jasaldy. Soǵys ardagerleriniń aty berilgen 63 kóshe men 42 mektepke jáne 48 ardagerdiń úilerine jóndeý jumystary júrgizildi. Biýdjet esebinen UOS ardagerlerine 1 mln teńge, tyl eńbekkerlerine 30 myń teńge materialdyq kómek berildi. Urpaq tárbieci men otbasy qundylyqtaryn kalyptastyrý baǵytynda oblystyq «Ájeler alqasy» júieli jumys jasap, óz nátijesin kórsetýde. «Ardagerler uiymy» RQB-nyń bastamasymen Túrkistan oblystyk ardagerler keńesi tarapynan 2019 jyly kýrylǵan «Dáneker» pilottyk jobasy jergilikti jerlerde tiimdi jumystar atqarýda. 57 is sotqa deiingi bitimmen, 107 ártúrli daýlar on sheshimin taptty»,-dedi Túrkistan oblystyq ardagerler keńesiniń tóraǵasy Jeńisbek Máýlenqulov óz baiandamasynda.
«Ata-baba dástúri-urpaqqa amanat» baǵdarlamasy qabyldanyp, 48 kezdesýler ótkizilip, oǵan 6 myńnan astam jastar tartyldy. Bala tárbiesindegi ákeniń jaýapkershiligin arttyrý, jasóspirimderdi ulttyq rýhta tárbieleý maqsatynda Túrkistan oblystyk ardagerler keńesiniń janynan «Ákeler mektebi» kuryldy. Oblys boiynsha barlyq 902 mektepterde ákeler mektebi uiymdastyryldy.
Respýblikalyq «Ardagerler uiymy» Ortalyq keńestiń tóraǵasy Izmuhanbetov Baqtyqoja Salahatdinuly Túrkistan oblysynda qurylǵan «Ákeler mektebiniń» elimizdiń ózge óńirlerinde úlgi retinde kórsetiletinin aityp, esepti kezeńde atqarylǵan jumystarǵa oń baǵasyn berdi.
Úlgi berer ardagerler keńesiniń esepti kezeńdegi jumystaryna oń baǵa berildi. Oblystyq ardagerler uiymynyń tóraǵalyǵyna osy ýaqytqa deiin jumysyn oidaǵydai atqaryp kelgen Jeńisbek Máýlenqulov biraýyzdan qaita taǵaiyndaldy. Barlyq deńgeidegi ardagerler uiymdarynyń aldaǵy atqaratyn jumystary men mindetteri aiqyndaldy. Konferentsiia barysynda tekserý komissiiasynyn esebi tyndalyp, jańadan komissiia mýsheleri sailandy. Sonymen birge, Respýblikalyq sezge Túrkistan oblysynan abyroily ardagerlerdiń arasynan 8 delegat sailandy.
