Jalpy pandemiia kezeńinde de Túrkistan oblysynda qurylys jumystary bir sátke toqtaǵan emes. Búginde Túrkistan oblysy men onyń ortalyǵy alyp qurylys alańyna ainalǵan. Óńirde turǵyndardy úimen qamtý baǵytynda aýqymdy jumys qolǵa alynǵan. Byltyr 11 aida paidalanýǵa berilgen turǵyn úidiń jalpy alańy 600 myń sharshy metrden asty.
Óńir basshysy Túrkistandaǵy «Kerýen sarai», «Iassy eko villadj» turǵyn úi keshenderin aralap, jumysyn saralady. Atalǵan turǵyn úilerdiń qurylysy talapqa sai júrip jatyr. Sonymen birge Qoja Ahmet Iasaýi mýzeii, «Qylýet» meshiti, «Daryn» mektep-internaty, Ishki ister departamenti, jedel járdem stantsiiasy ǵimarattarynyń qurylysyn da qadaǵalady. Iassy kóshesin abattandyrý jumystary da nazardan tys qalǵan joq. Bul áleýmettik jáne rýhani nysandar iske qosylǵan soń túrkistandyqtardyń ómir súrý sapasyn jaqsartýǵa úles qosatyny sózsiz.
Oblys ákimi Túrkistandy túrki áleminiń mádeni-rýhani ortalyǵyna ainaldyrý baǵytyndaǵy jumystar jalǵasa beretinin jetkizdi.
– Respýblikada biraz qiynshylyqtar boldy. Biraq eldiń birliginiń jáne Prezidentimizdiń batyl sheshimderiniń arqasynda jaǵdai turaqtaldy. Túrkistan oblysynda jaǵdai turaqty. Óńirdegi ózekti máseleler jiti baqylaýǵa alynǵan. Qazirgi tańda Túrkistan qalasynda 200 jańa nysan men ǵimarattyń qurylysy júrip jatyr. Barlyq qurylys kompaniia basshylarymen jeke-jeke kezdesip, jumys kestesin quryp, jumysshylardy qurylys alańyna shyǵaryp, jumysty jandandyryp jatyrmyz. Ol nysandardyń bári óz merziminde tapsyrylady dep senemin. Memlekettik qoldaýdyń nátijesinde óńir damyp keledi. Oblysty órkendetý jolyndaǵy iri jobalar ýaqtyly ári talapqa sai júzege asady, – deidi oblys ákimi Ómirzaq Shókeev.
Atalǵan sport nysandary halyqaralyq jarystar ótkizýmen qatar túrli sport túrlerinen komandalardyń oqý-jattyǵý jumysyn ótkizýine de oń serpin bermek. Iaǵni, jańa sport nysandary óńirge kelýshiler sanynyń artýyna tikelei úles qosady.
