Egistik basynda bolǵan oblys ákimi Ómirzaq Shókeev atqarylyp jatqan iske oń baǵasyn berdi. Atap aitqanda, «Túrkistan Agro HHI» JShS-men quny – 1,7 mlrd teńge bolatyn «733 ga jańbyrlatyp sýarý tehnologiiasyn endirý jáne MTS qurý» jobasy iske asýda.
Atalǵan seriktestiktiń jer kólemi 1046 ga quraidy, 108 sharýa qojalyq biriktirilgen. Ol jerde AQSh-tyń «T-L» kompaniiasynyń 18 jańbyrlatyp sýarý mashinalary ornatylyp, 200 ga kúzdik bidai, 322,5 ga jońyshqa egilgen. Jazdyq bidai men júgeri egýge jer daiyndaý júrgizilýde.
– Túrkistan qalasynyń aýmaǵynda azyq-túlik beldeýin qurý josparynyń aiasynda júzege asyp jatqan birqatar aýqymdy jobalardyń aiaq alysy jaqsy. Jańbyrlatyp sýarý tehnologiiasynyń artyqshylyǵy kóp. Eń aldymen myńdaǵan gektar alqapty sýarý jaǵynan týatyn qiyndyq sheshildi. Iaǵni, bizdiń aýmaqqa óte tiimdi ádis. Qýaryp, bos jatqan jerlerde azyq-túlik beldeýi qalyptasyp, ájepteýir nátije berip otyr. Bul jerlerge aryq qazyp, sý ákelýdiń tiimsiz ekenin túsinip, jańa ádisti qolǵa aldyq. AQSh-tan arnaiy qondyrǵylar aldyrdyq. Kóp kúttirmei, jemisin kórer kún alys emes, – dedi oblys ákimi Ómirzaq Estaiuly.
«Arys – Túrkistan» kanaly arqyly munda sý tórt júiemen keledi. Úlken bassein salynǵan. Qondyrǵylardyń barlyǵyna qubyr arqyly sý jetkizilip turady. 26 birlik zamanaýi aýyl sharýashylyǵy tehnikalary, Djondir traktory, Djondir kombainy jáne basqa da sharýashylyqqa qajetti qondyrǵydar alyndy. Alynatyn jem shóp qory, italiandyq tehnologiiamen quny 3,5 mlrd. tg bolatyn «1200 basqa arnalǵan taýarly-sút fermasy» jobasy azyqpen qamtamasyz etetin bolady.
Sonymen qatar, «SPK-SAURAN» AShÓK-men quny – 1,5 mlrd teńge bolatyn «650 ga jańbyrlatyp sýarý tehnologiiasyn endirý» jobasy iske asýda. Qazirgi tańda, AQSh-tyń «Valmont Industries» kompaniiasymen 3 jańbyrlatyp sýarý mashinalary 153 ga aýmaqqa ornatylsa, qalǵan 9 birligi aldaǵy qyrkúiek aiyna deiin iske qosylady. Alynatyn jem shóp qory avstraliialyq tehnologiiamen quny 2 mlrd. tg bolatyn «10 myń basqa arnalǵan iri qara mal bordaqylaý alańyn» azyqpen qamtamasyz etetin bolady.
Óńirde «Ordabasy-qus» JShS-men quny – 938,4 mln. teńgeni quraityn «782 ga 9 birlik jańbyrlatyp sýarý tehnologiiasyn endirý» jobasy iske asatyn bolady. Onda 71 jer ielenýshi sharýashylyqtar birigip, júgeri daqylyn egýge kiristi. Alynatyn ónim esebinen jylyna 8 100 tonna kúrke taýyq etin atalǵan óndirý kásipornyn azyqpen qamtamasyz etetin bolady.
«KAZAGRO PROJECT» JShS-men quny – 12,8 mlrd. teńge bolatyn «Jylyna 20 myń tonna qus etin óndirý» jobasy iske aspaq. Joba aiasynda 5 myń tonna qus etin etin óndirý josparlanǵan. Atalǵan baǵytta búginde seriktestiktiń qarjylai kepildemesi anyqtalyp, «Túrkistan» ÁKK» UK» AQ-men birlesken kásiporyn qurý jumystary júrgizilýde.
Túrkistan oblysy ákiminiń baspasóz qyzmeti
