Óńir basshysy aldymen Y.Altynsarin atyndaǵy mektepte bolyp, samannan salynǵan eski mektep jóndeý jumysyn qajet ekenen eskertti. Bul másele jóninde Sozaq aýdanynyń ákimi Salyhan Polatovtyń usynys-pikiri tyńdaldy. Mekteptiń qurylys jumysyna oblystyq biýdjetten qoldaý kerek ekeni aityldy. Jańa mekteptiń qurylysy boiynsha tiisti jumystar keler jyly bastalatyn boldy. Sonymen qatar osydan jarty ǵasyrdan astam ýaqyt buryn boi kótergen T.Álimqulov atyndaǵy eski mekteptiń ornyna jańa bilim uiasy salynatyn boldy.
Oblys ákiminiń aýdanǵa jumys saparynda jalpy aýdan kóleminde bilim salasynda atqarylyp jatqan jumystar sóz bolyp, josparlar pysyqtaldy. Saladaǵy máseleler talqylandy.
Túrkistan oblysy ákimi Ómirzaq Shókeev elimizde salynyp jatqan 200 mekteptiń 78-i Túrkistan oblysyna tiesili ekenin aitty. Bul – buryn-sońdy bolmaǵan jaǵdai. 2025 jylǵa qarai óńirde 130 mektep salý josparlanǵan. Bul óz kezeginde óńirdegi apatty jáne úsh aýysymda bilim beretin mektepter máselesin tolyq sheshýge múmkindik beredi. Jalpy, oblysta búginde alty apatty jáne tórt úsh aýysymdy mektep bar.
Jyl sońyna deiin Túrkistan oblysynda 47 mekteptiń qurylysy aiaqtalmaq. Onyń 17-si 1 qyrkúiekte paidalanýǵa berildi. Onyń ishinde 44 mektep biýdjet, úsheýi jeke investitsiia esebinen salynýda. Oblysta qazir 927 orta bilim berý uiymy bar, onda biyl 500 myńnan astam oqýshy bilim alýda.
Sozaq aýdanynda S.Qojanov atyndaǵy murajaidyń qurylysy júrip jatyr. Jańa nysan el Táýelsizdiginiń 30 jyldyǵyna orai ashylady. Tarihi tulǵany ǵana emes, tutas óńirdiń shejiresinen syr shertetin murajaidyń mańyzdylyǵyna toqtalǵan óńir basshysy arnaiy stend arqyly «Aýyl – El besigi» baǵdarlamasy arqyly atqarylyp jatqan jumystarmen tanysty. Bilim, mádeniet jáne densaýlyq saqtaý salalaryndaǵy jumysty shiratý jóninde tapsyrma berdi.
Sonymen birge óńir basshysyna Jetkinshek eldi mekeninde jer asty sýynyń kóktemde kóterilýine qarsy atqarylǵan jumystar da tanystyryldy.
