Jýrnalist Baqtiiar Taijan Olimpiada oiyndarynda baǵy janbai qalǵan Abiba Ábýjaqynovanyń úii ipotekada ekenin aitty, - dep habarlaidy Dalanews.kz.
Onyń sózinshe, Abiba - Ózbekstannyń týmasy, súti qazaq. Ózbekstan quramasynda birinshi bolǵan.
«Ala topyly aǵaiyn jeme-jemge kelgende jaýapty jarystarǵa Ábibany emes, onyń kóleńkesinde júrgen ózbek qyzyn tańdaidy. Ol úshin ózbek aǵaiyndardy kinalaýǵa bolmas. «Qaryna tartaǵannyń qary sypsyp» degen bar. Reti kelse, biz de osyndai tańdaýda qazaǵymyzǵa buryp turamyz. Ábiba men birge taǵy bir qazaq qyzy Esmigúl Kúiýrova da tarihi Otanyna oraldy», - dedi Baqtiiar Taijan.
Ózbekstannan elge kelgen tanymal sportshylar, qazaq atyn aspandatqan sportshylar az emes. Degenmen Abiba Ábýjaqynovanyń jóni bólek. Búginde Ábiba Ábýjaqynova - qyzdar quramasynyń kóshbasshysy.
«Barǵan jaýapty jarystarynan oljasyz oralmaidy. Álemdik reitingte 3-i orynda. Mundai orynǵa qazaq dziýdoshy qyzdarynan ázirge eshkim jetken joq. Parijde finalda-aq kúresetin áleýeti bar edi. Sál sáttilik jetispedi. Qola medalǵa jaraqatymen shyqty. Qarsylasy, on segiz jastaǵy qyz shvetsiialyq Tara Babýlfat bárin bildi. Sportshyǵa qurmetten ada qyz jaraqat alǵan aiaǵyn teýip tastaǵanyn kórip otyrdyq. Jeńilgenine qorlanǵan Ábiba jylady. Jylap otyryp úmitterin aqtai almaǵan úshin qazaq halqynan keshirim surady. Myna jaqta otyryp altyn qyzdyń júrekjardy sózi úshin ózimiz de kózimizdi shylap aldyq», - dep jazdy jýrnalist.
Chempion atanǵan Eldos Smetovke márt azamattar túrli syi jasap jatyr. Osy oraida jýrnalist Ábibaǵa da syi jasaýǵa shaqyrdy.
«El mereiin tasytqan Eldos bastaǵan erlerge altynnan sarai saldyryp berseń de azdyq etpeidi. Sonyń biri - Ábiba. Bir suhbatynda Atyraýdaǵy úii ipotekada ekenin aityp qaldy. Qasyna Esmigúldi alǵan eken. «Parij olimpiadasynyń altyny alsam úi jáne áibat mashina alam» dep kúlip armanyn da aityp qaldy. Jas qoi, jarasady.
Ábibanyń tarihi jeńisteri: 2021 jyly Bishkekte ótken Aziia chempionatynyń finalynda qytailyq sportshy Li Ianannan jeńilip, kúmis medal aldy. 2022 jyly Nur-Sultan qalasynda ótken qurlyqtyq chempionatta Ábiba taǵy da kúmisti jeńip aldy, bul joly finalda japondyq Vakane Kogaǵa jol berdi. Tashkentte ótken 2022 jylǵy álem chempionatynda qola medal utty. 2023 jyly Portýgaliiadaǵy Gran-pri seriiasyndaǵy týrnirde jeńimpaz atandy. Ol dziýdodan osyndai bedeldi týrnirde jeńiske jetken alǵashqy qazaqstandyq boldy. Oryssha suraq qoiǵan jýrnalistke qazaqsha suhbat bergen Ábiba - keshegi batyr Áliia, Mánshúk, Hiýaz apalarynyń jurnaǵy. Jeńiske jetse máz bolyp, kimonosyndaǵy qazaq eltańbasyn kórsetip, qolymnan júrekti beineleitin surapyl qyz da bar qurmetke laiyq. Eldosqa 100 qylquiryq ataǵan márt qazaqtar qazaqta kóp. Dopty qisyq tebetinderdi ózi saiypqyran Eldostan kóp aqsha tabady. Jandy daýyspen án aita almaityn fonogramshik, ánebir aǵamyz aityp júrgendei shegirtkelerge de úiip tógip aqsha beretinder osy joly bir qairat kórsetý kerek. Ábiba jaraqat alsa da «belim aýyrdy», «tizem aýyrdy» dep jeme-jemge kelgende Olimpiada oiyndarynan bas tartqan anaý kelemsekterdei, at basyndai altyn berip ardaqtap júrgen otansyzdardan barlyq jaǵynan artyq. Atymtai jomarttar qaidasyńdar?!» - dedi ol.
Aita keteiik, Abiba Ábýjaqynova 48 kelige deiingi salmaqta Parij Olimpiadasynyń qola júldesine qol jetkize almady. Otandasymyz úshinshi oryn úshin ótken beldesýde shved qyzy Tara Babýlfazǵa jol berdi.
Buǵan deiin Parlamenti Májilisiniń depýtaty, Respýblika partiiasynyń tóraǵasy Aidarbek Hojanazarov ta Olimpiadada jeńilis tapqan Abiba Ábýjaqynovaǵa syiaqy beretinin aitty.
