Mılan Olımpıadasynda tarıhı altyn jeńip alǵan Mıhaıl Shaıdorov 250 myń dollar kóleminde aqshalaı syıaqy alady, dep habarlaıdy Dala News.
Qazaqstandyq mánerlep syrǵanaýshy erler arasyndaǵy jekeleı synda qysqa jáne erkin baǵdarlamanyń qorytyndysy boıynsha 291,58 upaı jınap, chempıon atandy. Qysqa baǵdarlamada besinshi orynnan kóringen ol, erkin baǵdarlamadaǵy minsiz óneriniń arqasynda birinshi orynǵa kóterildi.
QR Mádenıet jáne sport mınıstrligi bekitken tólem mólsherine sáıkes, altyn medal úshin sportshyǵa 250 myń dollar, ıaǵnı shamamen 123,7 mln teńge beriledi.
Syıaqy basqa júldegerler men fınalısterge de qarastyrylǵan:
kúmis júldege – 150 myń dollar,
qola júldege – 75 myń dollar,
tórtinshi orynǵa – 30 myń dollar,
besinshi jáne altynshy oryndarǵa – 10 myń dollardan.
Aqshalaı marapat chempıondar men júldegerlerdiń bapkerlerine de tólenedi.
