Ámire Qashaýbaevtyń ómir jolyna arnalǵan kórkem fılm 2018 jyly 5 sáýirde ulttyq prokatqa shyǵady. Halyqaralyq túsirilim tobynyń quramynda: amerıkalyq qoıýshy-rejısser Djef Vespa (Jeff Vespa), operator – Maksım Osadchıı («9 rota», «Stalıngrad») bar. Fılmniń senarıin jazǵan Benjamın A. van der Vın (Benjamin A. van der Veen). Basty rólderdi otandyq akterler Sanjar Mádıev (Ámire) jáne Erkebulan Daıyrov (Mustafa Shoqaı) somdaǵan.
Sonymen qatar, brıtandyq akter Ben Aldrıdj (Ben Aldridge) jáne «Oblasttmy», «Trı bılborda na granıse Ebbınga, Mıssýrı» fılmderi arqyly tanylǵan amerıkalyq aktrısa Ebbı Kornısh (Abbie Cornish) jáne basqa da akterler túsken.
Kartınanyń bas prodúseri, elimizdegi mıllıarder Bolat Ótemuratovtyń uly, DAR kompanıasynyń negizin qalaýshy Álıdar Ótemuratov. Ol fılmniń tusaýkeserinde bylaı dedi:
![](/uploads/images/20240127235058947.jpg)
Kınotýyndy qazaqtyń tuńǵysh dramalyq tenor daýysty birtýar ánshisi Ámire Qashaýbaevtyń qamshynyń sabyndaı ǵana qysqa da, jarqyn ǵumyryn baıandaıdy.
1925 jyly Parıjde ótken Exposition Internationale des Arts Décoratifs et Industriels Modernes sheńberinde ótken búkilálemdik mýzykalyq baıqaýda Eýropa kórermenderine qazaqtyń dástúrli ánshilik óneri men qara dombyrasyn pash etken 36 jastaǵy Ámire Qashaýbaev KSRO delegasıasynyń arasynan top jaryp, ekinshi oryndy jáne kúmis medal ıelendi. Fılm, sondaı-aq, daryndy ánshi Ámire Qashaýbaevtyń jaz oryndaýshysy Djordj Gershvınmen dostyǵy týraly syr shertedi.
«Ámire» fılmi Parıj aspanyn ánge bólep, kúlli álemdi tamsandyrǵan Ámire Qashaýbaevtyń 130 jyldyǵyna shyqqaly otyr. Fılmde Ámire Qashaýbaevtyń repertýaryndaǵy «Balqadısha», «Úsh dos», «Dýdaraı», «Bes qarager» jáne t.b. ánderi oryndalady. Kartına Latvıa, Los-Andjeles qalalarynda túsirildi. Sondaı-aq fılmniń sońǵy túsirý jumystary Almaty oblysy Úshqońyr aýylynyń mańynda júrgizildi.
Ámire Qashaýbaevtyń esimin keń nasıhattaý maqsatynda byltyr «Ámire Parıjde» atty kitap jaryq kórgen bolatyn. «Ámire» fılmi «Qazaqfılmniń» 2018 jyldaǵy birlesken aýqymdy alǵashqy jobasy bolmaq. Qazir QHR-men birlesken «Kompozıtor» fılmi montajdaý kezeńinde tur. Kórkem týyndy ekinshi dúnıejúzi soǵysynda Almatyda ómir súrgen qytaılyq kompozıtor Sı Sın Haıdyń ómiri men qazaqtyń uly kompozıtory Baqytjan Baıqadamov arasyndaǵy dostyǵy týraly baıandaıdy. Atalǵan týyndyny Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ jáne Álıdar Ótemuratovtyń «Dar Play» kompanıasymen birlese túsirgen.
https://dalanews.kz/21497