ەمٸرە قاشاۋباەۆتىڭ ٶمٸر جولىنا ارنالعان كٶركەم فيلم 2018 جىلى 5 سەۋٸردە ۇلتتىق پروكاتقا شىعادى. حالىقارالىق تٷسٸرٸلٸم توبىنىڭ قۇرامىندا: امەريكالىق قويۋشى-رەجيسسەر دجەف ۆەسپا (Jeff Vespa), وپەراتور – ماكسيم وسادچيي («9 روتا», «ستالينگراد») بار. فيلمنٸڭ ستسەنارييٸن جازعان بەنجامين ا. ۆان دەر ۆين (Benjamin A. van der Veen). باستى رٶلدەردٸ وتاندىق اكتەرلەر سانجار مەديەۆ (ەمٸرە) جەنە ەركەبۇلان دايىروۆ (مۇستافا شوقاي) سومداعان.
سونىمەن قاتار, بريتاندىق اكتەر بەن الدريدج (Ben Aldridge) جەنە «وبلاست تمى», «تري بيلبوردا نا گرانيتسە ەببينگا, ميسسۋري» فيلمدەرٸ ارقىلى تانىلعان امەريكالىق اكتريسا ەببي كورنيش (Abbie Cornish) جەنە باسقا دا اكتەرلەر تٷسكەن.
كارتينانىڭ باس پروديۋسەرٸ, ەلٸمٸزدەگٸ ميللياردەر بولات ٶتەمۇراتوۆتىڭ ۇلى, DAR كومپانيياسىنىڭ نەگٸزٸن قالاۋشى ەليدار ٶتەمۇراتوۆ. ول فيلمنٸڭ تۇساۋكەسەرٸندە بىلاي دەدٸ:
كينوتۋىندى قازاقتىڭ تۇڭعىش درامالىق تەنور داۋىستى بٸرتۋار ەنشٸسٸ ەمٸرە قاشاۋباەۆتىڭ قامشىنىڭ سابىنداي عانا قىسقا دا, جارقىن عۇمىرىن باياندايدى.
1925 جىلى پاريجدە ٶتكەن Exposition Internationale des Arts Décoratifs et Industriels Modernes شەڭبەرٸندە ٶتكەن بٷكٸلەلەمدٸك مۋزىكالىق بايقاۋدا ەۋروپا كٶرەرمەندەرٸنە قازاقتىڭ دەستٷرلٸ ەنشٸلٸك ٶنەرٸ مەن قارا دومبىراسىن پاش ەتكەن 36 جاستاعى ەمٸرە قاشاۋباەۆ كسرو دەلەگاتسيياسىنىڭ اراسىنان توپ جارىپ, ەكٸنشٸ ورىندى جەنە كٷمٸس مەدال يەلەندٸ. فيلم, سونداي-اق, دارىندى ەنشٸ ەمٸرە قاشاۋباەۆتىڭ دجاز ورىنداۋشىسى دجوردج گەرشۆينمەن دوستىعى تۋرالى سىر شەرتەدٸ.
«ەمٸرە» فيلمٸ پاريج اسپانىن ەنگە بٶلەپ, كٷللٸ ەلەمدٸ تامساندىرعان ەمٸرە قاشاۋباەۆتىڭ 130 جىلدىعىنا شىققالى وتىر. فيلمدە ەمٸرە قاشاۋباەۆتىڭ رەپەرتۋارىنداعى «بالقاديشا», «ٷش دوس», «دۋداراي», «بەس قاراگەر» جەنە ت.ب. ەندەرٸ ورىندالادى. كارتينا لاتۆييا, لوس-اندجەلەس قالالارىندا تٷسٸرٸلدٸ. سونداي-اق فيلمنٸڭ سوڭعى تٷسٸرۋ جۇمىستارى الماتى وبلىسى ٷشقوڭىر اۋىلىنىڭ ماڭىندا جٷرگٸزٸلدٸ.
ەمٸرە قاشاۋباەۆتىڭ ەسٸمٸن كەڭ ناسيحاتتاۋ ماقساتىندا بىلتىر «ەمٸرە پاريجدە» اتتى كٸتاپ جارىق كٶرگەن بولاتىن. «ەمٸرە» فيلمٸ «قازاقفيلمنٸڭ» 2018 جىلداعى بٸرلەسكەن اۋقىمدى العاشقى جوباسى بولماق. قازٸر قحر-مەن بٸرلەسكەن «كومپوزيتور» فيلمٸ مونتاجداۋ كەزەڭٸندە تۇر. كٶركەم تۋىندى ەكٸنشٸ دٷنيەجٷزٸ سوعىسىندا الماتىدا ٶمٸر سٷرگەن قىتايلىق كومپوزيتور سي سين حايدىڭ ٶمٸرٸ مەن قازاقتىڭ ۇلى كومپوزيتورى باقىتجان بايقاداموۆ اراسىنداعى دوستىعى تۋرالى باياندايدى. اتالعان تۋىندىنى مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق جەنە ەليدار ٶتەمۇراتوۆتىڭ «Dar Play» كومپانيياسىمەن بٸرلەسە تٷسٸرگەن.
https://dalanews.kz/21497
