24 shildede E-Qazyna elektrondy saýda alańynda memleket menshigine qaitarylǵan zergerlik buiymdardyń kezekti aýktsiony ótedi. Bul týraly Aktivterdi basqarý jónindegi ýákiletti organ (QÝVA) málimdedi, dep habarlaidy Dalanews.kz.
Saýdaǵa 56 lot qoiylady. Olardyń qatarynda álemdik deńgeidegi tanymal brendterdiń ekskliýzivti áshekeileri bar.
Arasyndaǵy eń qymbaty — De Beers markasynyń 750 synamaly aq altynnan jasalǵan, árqaisysy 6 karat tartatyn eki brillianty bar syrǵasy. Buǵan deiin sáýir aiynda bul buiym 134,4 mln teńgege baǵalanyp, satylymǵa shyǵarylǵanymen, suranys bolmaǵan. Qazir onyń bastapqy baǵasy 110,6 mln teńgege tómendetilgen.
Sondai-aq aýktsionda kelesi buiymdar saýdalanbaq:
-
FOPE markasynyń sary altynnan jasalǵan, 6 injý men 192 brillianty (jalpy salmaǵy 3,5 karat) bar alqasy. Bastapqy baǵa — 4,6 mln teńge.
-
Van Cleef & Arpels brendiniń aq altynnan jasalǵan, jalpy salmaǵy 16,92 karat brillianttarmen kómkerilgen alqa-shynjyry. Bastapqy baǵasy — 38,5 mln teńge.
Eske sala keteiik, buǵan deiin eks-prezident Nursultan Nazarbaevtyń jieni Qairat Satybaldydan tárkilengen saq altyny memleket menshigine ótkizilip, kópshilikke kórsetilgen edi.
