Qazaqstanda shetelge zańsyz shyǵarylyp, keiin memleket menshigine qaitarylǵan aktivterdiń qarajaty esebinen 400-den astam áleýmettik mańyzy bar nysannyń qurylysy júrip jatyr. Bul týraly Qarjy ministri Mádi Tákiev Úkimet otyrysynda málimdedi, dep habarlaidy Dalanews.kz.
Ministrdiń aitýynsha, 2024 jyldyń memlekettik biýdjet kiristeri shamamen 11 trillion teńgege jetken. Respýblikalyq biýdjet 100,5 paiyzǵa oryndalyp, jospardan 31 milliard teńgege artyq túsim túsken. Al jergilikti biýdjetter de oń dinamika kórsetip, 117 paiyzǵa oryndalǵan. Bul – 656,6 milliard teńge kólemindegi qosymsha tabys degen sóz.
"Búgingi tańda memleketke qaitarylǵan zańsyz aktivterden Arnaýly memlekettik qorǵa 434,3 milliard teńge aýdaryldy. Onyń 318,1 milliardy áleýmettik mańyzy bar 406 jobaǵa baǵyttaldy", — dedi Mádi Tákiev.
Onyń málimetinshe, bul qarajat:
- 230 sýmen jabdyqtaý jáne káriz júiesin jańǵyrtý jobasyna,
- 162 densaýlyq saqtaý nysanyna,
- 10 bilim berý jobasyna,
- 4 sporttyq jobaǵa jumsalýda.
Ministr bul jobalar halyqtyń ómir súrý sapasyn arttyrýǵa baǵyttalǵanyn atap ótti. Qaitarylǵan qarajat el igiligine qyzmet etýde.
