Qaıtarylǵan aktıvterdi basqarý kompanıasy (QABK) E-Qazyna elektron platformasynda bes áshekeı buıymdy satty, - dep habarlaıdy Dalanews.kz Tengrinews.kz-ke siltep.
Aýksıon formatyndaǵy saýda 23 sáýirde ótti.
Satylymǵa Cartier Love bilezigi men saqınasy, zúbarjat tasy bar syrǵa, akvamarın tasy bar saqına, gaýhar tasy bar altyn saqına jáne injý men gaýhar tasty syrǵalar qoıylǵan.
"Satylǵan aktıvterdiń jalpy somasy 5 425 246 teńge boldy", – dep jazylǵan habarlamada.
Bul áshekeıler zańsyz baıydy jáne qarajatty shetelge shyǵardy degen kúdikke ilingen adamdardan tárkilengen. Esimderi atalmaıdy, biraq burynǵy sheneýnikter men kásipkerler bolýy múmkin.
Mundaı zattardy satýmen 2023 jyly arnaıy qurylǵan Qaıtarylǵan aktıvterdi basqarý kompanıasy (QABK) aınalysady.
