Oligarh Nurlan Tileýbaev alaiaqtyq jasaǵany úshin sottaldy, - dep habarlaidy Dalanews.kz.
2024 jylǵy 19 shildede Astana qalasynyń qylmystyq ister jónindegi aýdanaralyq soty birneshe ret asa iri mólsherde alaiaqtyq jasady dep aiyptalǵan Tileýbaevqa qatysty úkim shyǵardy (QK 190-baby 4-bóliginiń 2) tarmaǵy).
Oligarh ne úshin aiyptaldy?
2015 jyly Tileýbaev «D.» AQ bankiniń naqty menshik iesi (iri aktsioneri) jáne quramyna 140 zańdy tulǵa kiretin «A.» kompaniiasy tobynyń basshysy bola otyryp, aldaý jáne senimin asyra paidalaný arqyly bankten óziniń baqylaýyndaǵy kompaniialarǵa aqshalai qarajatty qaryz retinde (formaldy túrde jasalǵan (jalǵan) jáne is júzinde oryndalmaityn astyq satyp alý-satý sharttary boiynsha kreditorlyq mindettemelerdi (bereshekti) qaita qarjylandyrý) aýdara otyryp, «N.» AQ-nyń memlekettik aqshalai qarajatyn aýdarý jolymen 4 mlrd. teńgeden astam somada urlap áketken.
Banktiń bul aqshalai qarajaty «N.» AQ-nan «Agrobiznes-2020» baǵdarlamasy boiynsha agroónerkásiptik keshen sýbektilerin qaitarymdylyq, nysanaly paidalaný jáne aqylylyq sharttarynda qarjylyq saýyqtyrý úshin túsken.
Sonymen qatar, 76 myń tonnaǵa jalǵan astyq qolhattary, bolashaqta 4,8 mlrd. teńge somasyna JShS-ne túsetin aqshalai qarajat, sondai-aq jalpy sany 16 541 ga JShS-ke tiesili aýyl sharýashylyǵy jer ýchaskeleri kepil múlki bolǵan, onyń 14 767 ga-y JShS jer paidalanýshylarynyń (paishylarynyń), iaǵni SQO turǵyndarynyń kelisiminsiz salynǵan.2016 jyly qaryz boiynsha tólemderdi júzege asyrý toqtatyldy jáne jer ýchaskeleri boiynsha barlyq quqyqtar (talaptar) tolyq kólemde «N.» AQ-na berildi.Osyǵan bailanysty, sottalýshy T.-nyń is-áreketterimen JShS-niń jumys istep turǵan qatysýshylarynyń (paishylarynyń) ýaqytsha óteýli (uzaq merzimdi, qysqa merzimdi) jer paidalaný (jalǵa alý) quqyǵy buzyldy, nátijesinde JShS qatysýshylary aýyl sharýashylyǵyn júrgizýge arnalǵan memleketten bólingen jer ýchaskelerinen jer paidalaný jáne osy jer ýchaskelerin paidalanýdan dividendter (pailar) alý quqyǵynan aiyryldy.
Sottalýshynyń kinási jábirlenýshilerdiń, kýágerlerdiń, mamannyń aiǵaqtarymen, saraptamalar men aýditordyń qorytyndylarymen dáleldendi.
Taraptardyń ustanymy
Sotta prokýror aiypty qoldap, bas bostandyǵynan aiyrý túrindegi jaza taǵaiyndaýdy jáne azamattyq talapty qaraýsyz qaldyrýdy surady.
Jábirlenýshiler 143 paishylar men «Ch.» JShS-niń ókilderi bas bostandyǵynan aiyrý jazasyn taǵaiyndaýdy surady. Jábirlenýshi «N.» JShS-niń ókili men jábirlenýshiler (paishylar) jaza taǵaiyndaýdy sottyń qaraýyna qaldyrdy.
Qorǵaýshy tarap qylmys quramynyń bolmaýyna bailanysty sottalýshyny aqtaýdy surady.
Qandai jaza taǵaiyndaldy?
QK 190-baby 4-bóliginiń sanktsiiasy 5 jyldan 10 jylǵa deiingi merzimge bas bostandyǵynan aiyrý túrindegi negizgi jazany kózdeidi. Sottalýshynyń qylmystyq jaýaptylyǵy men jazasyn jeńildetetin jáne aýyrlatatyn mán-jailar anyqtalǵan joq.
Sot úkimimen Nurlan Tileýbaev QK 190-baby 4-bóliginiń 2) tarmaǵy boiynsha kináli dep tanylyp, 9 jyl merzimge kommertsiialyq jáne qarjy uiymdarynda materialdyq-jaýapty jáne basshylyq laýazymdarǵa ornalasýǵa bailanysty qyzmetpen ainalysý quqyǵynan aiyryla otyryp, 6 jyl 8 aiǵa bas bostandyǵynan aiyryldy.
QK 56-baby 6-bóliginiń negizinde osy úkim boiynsha Almaty qalasynyń Almaly aýdandyq sotynyń 2023 jyly 26 maýsymda taǵaiyndalǵan qatań jazany neǵurlym qatań jazamen sińirý jolymen qylmystyq quqyq buzýshylyqtardyń jiyntyǵy boiynsha sottalýshy T.-ǵa túpkilikti qarjy uiymynyń, bank jáne saqtandyrý holdinginiń basshy qyzmetkeri laýazymyn atqarýǵa jáne qarjy uiymynyń iri qatysýshysy (iri aktsioneri) bolýǵa ómir boiy tyiym salynyp, qarjy jáne kommertsiialyq uiymdarda 10 jyl merzimge materialdyq jaýapty jáne basshy laýazymdardy atqarý quqyǵynan aiyryla otyryp, 10 jyl merzimge bas bostandyǵynan aiyrý túrindegi jaza taǵaiyndaldy.
Azamattyq talap qoiý – azamattyq sot isin júrgizý tártibimen júginý quqyǵyn túsindire otyryp, qaraýsyz qaldyryldy. Bul talap qoiý QPK-niń 166-babynyń 1-bóliginde kórsetilgen qylmystyq protseste qaralatyn talap qoiý tizbesine kirmeitindigine bailanysty qylmystyq protseste qaralýǵa jatpaidy.
Úkim zańdy kúshine engen joq.
