Ferýza Oshaeva, Ulbosyn Malǵajdarovanyń ápkesi:
- Taiaq jep turyp, tipti sottalyp ketkeni bizge qatty tiip jatyr. Qatty zardap shekken shyǵar, jaǵdaiyn da bilmeimiz. Bir jeri synǵan shyǵar, ony da bilmeimiz. Shashynan súirep turyp urǵan. Videodan talyp qalǵan jerlerin kórdik. Bilmeimin, adam óltirip qoiǵan joq qoi, ol jaqta úsh ailap ustaityndai.
Qazaqstan úkimeti beri qarai ol qyzdy nege shyǵaryp bere almaidy? Tym qurysa, jazasyn osy jaqta – Qazaqstanda óteitindei.
Eki jyl buryn aqsha tabý úshin Túrkiiaǵa ketken Ulbosyn Malǵajdarova biyl shildede elge qaitýy kerek bolǵan.
Biraq oralarynan bir apta buryn qurbylarymen dámhanaǵa baryp, sol jerdiń kúzetshilerimen shekisip qalǵan.
Bireýi tipti Ulbosynnyń aýzyna qos qolyn tyǵyp jaǵyn aiyrmaqshy bolypty. Osy kezde 33 jastaǵy kelinshek onyń qolyn tistep alǵan. Osydan keiin tepkiniń astyna alǵan jigitter politsiiaǵa aryz túsirgen.
Sodan beri qamaýda jatqan Ulbosynnyń jaqyndary Túrkiiadaǵy elshilikten kómek surap birneshe márte hat jazypty. Biraq diplomattardan múlde jaýap bolmapty. Birer kúnde soty bastalatyn Ulbolsynnyń qamaýda ekenin kámeletke tolmaǵan qos qyzy áli bilmeidi de eken.
Álima Oshaeva, Ulbosyn Malǵajdarovanyń anasy:
- Balalary saǵynyp júr, kúnde "anashym" dep dep, bizdiń júregimiz aýyrady. Al bizdiń qoldan keler eshteńe joq. Osyndai jaǵdai. Elshilikten esh habar joq. Áneý kúni "maqul, kómek beremiz, zvondaidy", - deidi. Bir apta boldy, ne kómek, ne eshteńeni kórip jatqanym joq. Qyzymyz tiri me, bilmeimiz.
https://www.youtube.com/watch?v=-83K2v7Ua74
