فەرۋزا وشايەۆا، ۇلبوسىن مالعاجداروۆانىڭ اپكەسى:
- تاياق جەپ تۇرىپ، ءتىپتى سوتتالىپ كەتكەنى بىزگە قاتتى ءتيىپ جاتىر. قاتتى زارداپ شەككەن شىعار، جاعدايىن دا بىلمەيمىز. ءبىر جەرى سىنعان شىعار، ونى دا بىلمەيمىز. شاشىنان سۇيرەپ تۇرىپ ۇرعان. ۆيدەودان تالىپ قالعان جەرلەرىن كوردىك. بىلمەيمىن، ادام ءولتىرىپ قويعان جوق قوي، ول جاقتا ءۇش ايلاپ ۇستايتىنداي.
قازاقستان ۇكىمەتى بەرى قاراي ول قىزدى نەگە شىعارىپ بەرە المايدى؟ تىم قۇرىسا، جازاسىن وسى جاقتا – قازاقستاندا وتەيتىندەي.
ەكى جىل بۇرىن اقشا تابۋ ءۇشىن تۇركياعا كەتكەن ۇلبوسىن مالعاجداروۆا بيىل شىلدەدە ەلگە قايتۋى كەرەك بولعان.
ءبىراق ورالارىنان ءبىر اپتا بۇرىن قۇربىلارىمەن ءدامحاناعا بارىپ، سول جەردىڭ كۇزەتشىلەرىمەن شەكىسىپ قالعان.
بىرەۋى ءتىپتى ۇلبوسىننىڭ اۋزىنا قوس قولىن تىعىپ جاعىن ايىرماقشى بولىپتى. وسى كەزدە 33 جاستاعى كەلىنشەك ونىڭ قولىن تىستەپ العان. وسىدان كەيىن تەپكىنىڭ استىنا العان جىگىتتەر پوليسياعا ارىز تۇسىرگەن.
سودان بەرى قاماۋدا جاتقان ۇلبوسىننىڭ جاقىندارى تۇركياداعى ەلشىلىكتەن كومەك سۇراپ بىرنەشە مارتە حات جازىپتى. ءبىراق ديپلوماتتاردان مۇلدە جاۋاپ بولماپتى. بىرەر كۇندە سوتى باستالاتىن ۇلبولسىننىڭ قاماۋدا ەكەنىن كامەلەتكە تولماعان قوس قىزى ءالى بىلمەيدى دە ەكەن.
ءاليما وشايەۆا، ۇلبوسىن مالعاجداروۆانىڭ اناسى:
- بالالارى ساعىنىپ ءجۇر، كۇندە "اناشىم" دەپ دەپ، ءبىزدىڭ جۇرەگىمىز اۋىرادى. ال ءبىزدىڭ قولدان كەلەر ەشتەڭە جوق. وسىنداي جاعداي. ەلشىلىكتەن ەش حابار جوق. انەۋ كۇنى "ماقۇل، كومەك بەرەمىز، زۆوندايدى"، - دەيدى. ءبىر اپتا بولدى، نە كومەك، نە ەشتەڭەنى كورىپ جاتقانىم جوق. قىزىمىز ءتىرى مە، بىلمەيمىز.
https://www.youtube.com/watch؟v=-83K2v7Ua74
