– Olga – qazaq sportynyń maqtanyshy, aty ańyzǵa ainalǵan tulǵa. Onyń esimi otandyq qana emes, álemdik jeńil atletika tarihynda da altyn áriptermen jazylyp tur.
Maǵan Olga Rypakovaǵa saltanatty rásim kezinde kóp jylǵy eńbegi men aitýly jeńisteri úshin Alǵys bildirý múmkindigi buiyrdy. Elimizdiń Premer-ministri Álihan Smaiylov ataqty sportshyǵa Alǵys hat joldady.
20 jyldan astam ýaqyt ishinde ol kóptegen marapatqa ie boldy, sonyń ishinde kez kelgen sportshy jete bermeitin Olimpiadanyń altyn medalin ielendi.
2012 jyly Olga Rypakova úsh ret sekirýden aldyna jan salmady. Degenmen, Olimpiada medali ol úshin jalǵyz júlde emes edi, Beijińdegi oiyndarda «kúmis», al Rioda «qola» medal jeńip aldy. Bylaisha aitqanda Olganyń qorjynynda Olimpiada medaldarynyń tolyq jiyntyǵyn bar.
Olga sonymen qatar jabyq keshendegi jarystardan Álem chempiony jáne kontinentaldy kýboktyń jeńimpazy. Sondai-aq, ol Aziia oiyndarynyń bes dúrkin júldegeri.
Barlyq qazaqstandyq jankúierdiń atynan Olga Rypakovaǵa osy jyldar boiy bizge syilaǵyn qaitalanbas jarqyn emotsiialary úshin alǵys aitqym keledi. Onyń ómiriniń jańa kezeńi de sporttyq mansaby siiaqty jeńisti bolýyna tilektespin.
Olganyń izbasarlary da otandyq sporttyń damýyna, jeńil atletikamyzdyń jańa deńgeige kóterilýine airyqsha óz úlesterin qosatynyna senimdimin, – dedi ministr.
