– ولگا – قازاق سپورتىنىڭ ماقتانىشى، اتى اڭىزعا اينالعان تۇلعا. ونىڭ ەسىمى وتاندىق قانا ەمەس، الەمدىك جەڭىل اتلەتيكا تاريحىندا دا التىن ارىپتەرمەن جازىلىپ تۇر.
ماعان ولگا رىپاكوۆاعا سالتاناتتى ءراسىم كەزىندە كوپ جىلعى ەڭبەگى مەن ايتۋلى جەڭىستەرى ءۇشىن العىس ءبىلدىرۋ مۇمكىندىگى بۇيىردى. ەلىمىزدىڭ پرەمەر-مينيسترى ءاليحان سمايىلوۆ اتاقتى سپورتشىعا العىس حات جولدادى.
20 جىلدان استام ۋاقىت ىشىندە ول كوپتەگەن ماراپاتقا يە بولدى، سونىڭ ىشىندە كەز كەلگەن سپورتشى جەتە بەرمەيتىن وليمپيادانىڭ التىن مەدالىن يەلەندى.
2012 جىلى ولگا رىپاكوۆا ءۇش رەت سەكىرۋدەن الدىنا جان سالمادى. دەگەنمەن، وليمپيادا مەدالى ول ءۇشىن جالعىز جۇلدە ەمەس ەدى، بەيجىڭدەگى ويىنداردا «كۇمىس»، ال ريودا «قولا» مەدال جەڭىپ الدى. بىلايشا ايتقاندا ولگانىڭ قورجىنىندا وليمپيادا مەدالدارىنىڭ تولىق جيىنتىعىن بار.
ولگا سونىمەن قاتار جابىق كەشەندەگى جارىستاردان الەم چەمپيونى جانە كونتينەنتالدى كۋبوكتىڭ جەڭىمپازى. سونداي-اق، ول ازيا ويىندارىنىڭ بەس دۇركىن جۇلدەگەرى.
بارلىق قازاقستاندىق جانكۇيەردىڭ اتىنان ولگا رىپاكوۆاعا وسى جىلدار بويى بىزگە سىيلاعىن قايتالانباس جارقىن ەموسيالارى ءۇشىن العىس ايتقىم كەلەدى. ونىڭ ءومىرىنىڭ جاڭا كەزەڭى دە سپورتتىق مانسابى سياقتى جەڭىستى بولۋىنا تىلەكتەسپىن.
ولگانىڭ ءىزباسارلارى دا وتاندىق سپورتتىڭ دامۋىنا، جەڭىل اتلەتيكامىزدىڭ جاڭا دەڭگەيگە كوتەرىلۋىنە ايرىقشا ءوز ۇلەستەرىن قوساتىنىنا سەنىمدىمىن، – دەدى مينيستر.
