Kúni keshe Qańtar dúrbeleńine qatysqany úshin 1999 jyly týǵan eki azamat sottalyp ketti dep habarlaidy Dalanews.kz.
Almaty oblysy Esik qalasynyń turǵyndary 22 jastaǵy Baqyt Ońtai men Ójet Jeńishanǵa Almaly aýdandyq sotynyń sýdiasy 5 jyl jaza taǵaiyndaǵan.
Aita keterligi, Qańtar oqiǵasyna bailanysty júzdegen azamattyń ústinen qylmystyq is qozǵalǵanymen, sotqa jetpegen edi.
Baqyt pen Ójetke Qylmystyq kodekstiń 291 baby 3 bóligi boiynsha ("Qarýdy, oq-dárilerdi, jarylǵysh zattar men jarylys qurylǵylaryn jymqyrý ne qorqytyp alý") aiyp taǵylǵan.
Al bularǵa memleket tarapynan bekitilgen advokat Quralai Qaliasqarova ekeýiniń de aiyptaryn tolyq moiyndap otyrǵanyn aitady.
- "Alpamys" dúkeninen qarý-jaraq urlap, tyǵyp qoiǵan jerinen alyp bergenin aitty, – deidi advokat.
Sottalýshynyń biri Baqyt Ońtaidyń anasy Aqmaral Baiseiitova aitýynsha balasyn 13 qańtarda Eńbekshiqazaq aýdandyq politsiia bóliminiń qyzmetkerleri alyp ketken.
[caption id="attachment_73713" align="alignnone" width="1023"]
– Túngi 23:00 shamasynda balamdy alyp bir top politsei kelip, úidi tintti. Balamdy qaita áketti, sodan keiin kórmedim. Úsh kúnnen keiin balamnyń ústinen qarý-jaraq urlaýǵa qatysty is qozǵalǵanyn estidim, – deidi ol.
Al sot sheshimimen kelispegen Ójet Jeńishannyń ákesi prezident Toqaevqa úndeý joldady.
"Meniń ulym terrorist emes. Eshqandai qylmystyq uiymǵa qatysy joq. Alańǵa óziniń talabyn aitý úshin shyqty. Beibit sherýge qatysty. Sol kezde áldekimder qarý kezep, qorqytyp, qolyna qarý ustatyp jibergen. Ol qarýdan oq atylmaǵan. Qurmetti prezident, sizden ulymyzǵa arasha túsýdi túsýdi suraimyz. Jańa Qazaqstandaǵy sot júiesi ádil sheshim shyǵararyn aityp edińiz, bizdiń balamyzǵa ádiletsiz úkim shyǵaryp otyr", – deidi Jeńishan Ákramuly.
https://www.youtube.com/watch?v=p3B3MT7AOkY
