كۇنى كەشە قاڭتار دۇربەلەڭىنە قاتىسقانى ءۇشىن 1999 جىلى تۋعان ەكى ازامات سوتتالىپ كەتتى دەپ حابارلايدى Dalanews.kz.
الماتى وبلىسى ەسىك قالاسىنىڭ تۇرعىندارى 22 جاستاعى باقىت وڭتاي مەن وجەت جەڭىسحانعا المالى اۋداندىق سوتىنىڭ سۋدياسى 5 جىل جازا تاعايىنداعان.
ايتا كەتەرلىگى، قاڭتار وقيعاسىنا بايلانىستى جۇزدەگەن ازاماتتىڭ ۇستىنەن قىلمىستىق ءىس قوزعالعانىمەن، سوتقا جەتپەگەن ەدى.
باقىت پەن وجەتكە قىلمىستىق كودەكستىڭ 291 بابى 3 بولىگى بويىنشا ("قارۋدى، وق-دارىلەردi، جارىلعىش زاتتار مەن جارىلىس قۇرىلعىلارىن جىمقىرۋ نە قورقىتىپ الۋ") ايىپ تاعىلعان.
ال بۇلارعا مەملەكەت تاراپىنان بەكىتىلگەن ادۆوكات قۇرالاي قالياسقاروۆا ەكەۋىنىڭ دە ايىپتارىن تولىق مويىنداپ وتىرعانىن ايتادى.
- "الپامىس" دۇكەنىنەن قارۋ-جاراق ۇرلاپ، تىعىپ قويعان جەرىنەن الىپ بەرگەنىن ايتتى، – دەيدى ادۆوكات.
سوتتالۋشىنىڭ ءبىرى باقىت وڭتايدىڭ اناسى اقمارال بايسەيىتوۆا ايتۋىنشا بالاسىن 13 قاڭتاردا ەڭبەكشىقازاق اۋداندىق پوليسيا ءبولىمىنىڭ قىزمەتكەرلەرى الىپ كەتكەن.
[caption id="attachment_73713" align="alignnone" width="1023"]
"قارۋ-جاراق ۇرلادى" دەگەن ايىپپەن سوتتالعان ەسىك قالاسىنىڭ تۇرعىندارى باقىت وڭتاي (وڭ جاقتا) مەن وجەت جەڭىسحان.[/caption]
– تۇنگى 23:00 شاماسىندا بالامدى الىپ ءبىر توپ پوليسەي كەلىپ، ءۇيدى ءتىنتتى. بالامدى قايتا اكەتتى، سودان كەيىن كورمەدىم. ءۇش كۇننەن كەيىن بالامنىڭ ۇستىنەن قارۋ-جاراق ۇرلاۋعا قاتىستى ءىس قوزعالعانىن ەستىدىم، – دەيدى ول.
ال سوت شەشىمىمەن كەلىسپەگەن وجەت جەڭىسحاننىڭ اكەسى پرەزيدەنت توقايەۆقا ۇندەۋ جولدادى.
"مەنىڭ ۇلىم تەرروريست ەمەس. ەشقانداي قىلمىستىق ۇيىمعا قاتىسى جوق. الاڭعا ءوزىنىڭ تالابىن ايتۋ ءۇشىن شىقتى. بەيبىت شەرۋگە قاتىستى. سول كەزدە الدەكىمدەر قارۋ كەزەپ، قورقىتىپ، قولىنا قارۋ ۇستاتىپ جىبەرگەن. ول قارۋدان وق اتىلماعان. قۇرمەتتى پرەزيدەنت، سىزدەن ۇلىمىزعا اراشا ءتۇسۋدى ءتۇسۋدى سۇرايمىز. جاڭا قازاقستانداعى سوت جۇيەسى ءادىل شەشىم شىعارارىن ايتىپ ەدىڭىز، ءبىزدىڭ بالامىزعا ادىلەتسىز ۇكىم شىعارىپ وتىر"، – دەيدى جەڭىسحان اكرام ۇلى.
https://www.youtube.com/watch؟v=p3B3MT7AOkY
