Almatynyń qylmystyq ister jónindegi mamandandyrylǵan aýdanaralyq sotynda qoǵam belsendisi Baljan Turlybekke qatysty úkim shyqty, - dep habarlaidy Dalanews.kz.
Sýdia Erlan Bolatov Almatyda 7 jastaǵy qyzdyń ólimi boiynsha úkim shyǵardy.
"Sot Turlybek Baljandy Qylmystyq kodekstiń 99-baby 3-bóligi boiynsha kináli dep tanyp, 20 jylǵa bas bostandyǵynan aiyrý jazasyn taǵaiyndady.
Bas bostandyǵynan aiyrý merzimin 2023 jyldyń 10 shildesinen sanap, qamaýda otyrǵan ár kúndi bir jarym kúnnen eseptelsin. 677 myń teńge protsestik shyǵyndar jáne jábirlenýshilerdiń ótemaqy qoryna 30 AEK tólem óndirilsin. Azamattyq talap aryzdy qaraýsyz qaldyrylsyn", - deidi sýdia.
Úkim zańdy kúshine engen joq.
Aita keteiik, byltyr shildede Almaty qalasynyń turǵyny 7 jasar ógei qyzyn óltirdi degen kúdikke ilingen bolatyn. Týystarynyń sózinshe, áiel adam qylmys jasar aldynda birneshe ai boiy balany uryp júrgen. 14 shildede áiel adam eki aiǵa qamaýǵa alyndy. Kúdikti belgili qoǵam belsendisi Baljan Turlybek bolyp shyqty.
