الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قوعام بەلسەندىسى بالجان تۇرلىبەككە قاتىستى ۇكىم شىقتى، - دەپ حابارلايدى Dalanews.kz.
سۋديا ەرلان بولاتوۆ الماتىدا 7 جاستاعى قىزدىڭ ءولىمى بويىنشا ۇكىم شىعاردى.
"سوت تۇرلىبەك بالجاندى قىلمىستىق كودەكستىڭ 99-بابى 3-بولىگى بويىنشا كىنالى دەپ تانىپ، 20 جىلعا باس بوستاندىعىنان ايىرۋ جازاسىن تاعايىندادى.
باس بوستاندىعىنان ايىرۋ مەرزىمىن 2023 جىلدىڭ 10 شىلدەسىنەن ساناپ، قاماۋدا وتىرعان ءار كۇندى ءبىر جارىم كۇننەن ەسەپتەلسىن. 677 مىڭ تەڭگە پروسەستىك شىعىندار جانە جابىرلەنۋشىلەردىڭ وتەماقى قورىنا 30 اەك تولەم ءوندىرىلسىن. ازاماتتىق تالاپ ارىزدى قاراۋسىز قالدىرىلسىن"، - دەيدى سۋديا.
ۇكىم زاڭدى كۇشىنە ەنگەن جوق.
ايتا كەتەيىك، بىلتىر شىلدەدە الماتى قالاسىنىڭ تۇرعىنى 7 جاسار وگەي قىزىن ءولتىردى دەگەن كۇدىككە ىلىنگەن بولاتىن. تۋىستارىنىڭ سوزىنشە، ايەل ادام قىلمىس جاسار الدىندا بىرنەشە اي بويى بالانى ۇرىپ جۇرگەن. 14 شىلدەدە ايەل ادام ەكى ايعا قاماۋعا الىندى. كۇدىكتى بەلگىلى قوعام بەلسەندىسى بالجان تۇرلىبەك بولىپ شىقتى.
