Abai oblysynda prokýratýranyń quqyqtyq túsindirý jumystary kámeletke tolmaǵanǵa qatysty jasalǵan asa aýyr qylmysty anyqtaýǵa kómektesti, dep habarlaidy dalanews.kz.
2025 jylǵy 24 shildede Jarma aýdanynyń prokýratýrasy kámeletke tolmaǵandarmen kezdesý ótkizip, onda jeke qaýipsizdik, balalardy qorǵaý jáne quqyq buzylǵan jaǵdaida quqyq qorǵaý organdaryna júginý tártibi túsindirilgen.
Kezdesýden keiin aýdan prokýratýrasyna kámeletke tolmaǵan qyz júginip, ógei ákesiniń ózine qatysty birneshe ret zańǵa qaishy áreketter jasaǵanyn málimdegen.
Saýalnama barysynda qyz quqyq qorǵaý organdaryna júginip, qorǵanýǵa bolatynyn dál osy túsindirý jumystary kezinde bilgenin aitqan.
Prokýratýra tapsyrmasymen dereý sotqa deiingi tergep tekserý bastalyp, is boiynsha jan jaqty ári obektivti tergeý júrgizilgen.
Semei qalasynyń qylmystyq ister jónindegi mamandandyrylǵan aýdanaralyq sotynyń úkimimen kámeletke tolmaǵannyń ógei ákesi 20 jylǵa bas bostandyǵynan aiyryldy.
Úkim zańdy kúshine endi.
Oblys prokýratýrasy azamattardy balalarǵa qatysty zorlyq zombylyq faktilerin jasyrmaýǵa jáne quqyq qorǵaý organdarynan kómek suraýdan qoryqpaýǵa shaqyrdy.
Qadaǵalaý organy ýaqytyly júginý balalardyń quqyǵyn qorǵaýǵa jáne kinálilerdi jaýapkershilikke tartýǵa múmkindik beretinin atap ótti.
