Ofshordaǵy kúmándi qarajattary zerttele bastady
Tekserýge atap aitqanda, Niderlandy, Aýstriia, Aýstraliia, Ulybritaniia jáne AQSh elderi kirisip ketti. Oǵan sebep bolǵan panamalyq Mossack Fonseca dep atalatyn zańgerlik firmanyń 11 million qujatynyń jariia bolýy. Firmanyń zańgerleri ózderiniń klientterine salyqtan qashyp, aqshalaryn jasyrýǵa kómektesken.
Jariialanǵan materialda 12 eldiń burynǵy jáne qazirgi basshylary men álemdik liderlermen bailanysy bar 60 adamnyń aty-jóni kórsetilgen. Olardyń ishinde Islandiianyń qazirgi premer-ministri Sigmiýndiýr Giýnnlioigsson bar. Ol investitsiiany ofshorly kompaniia arqyly Islandiia bankine jasyryp kelgen. 4 naýryzda qazirgi premerdiń otstavkasyn talap etken petitsiiaǵa 16 myń islandyq qol qoiǵan.
Jariialanǵan materialdyń negizgi bóligi Reseige arnalǵan. Atap aitqanda, el prezidenti Vladimir Pýtinniń tóńiregindegi adamdar "Rossiia" banki jáne ofshorly kompaniia arqyly 2 milliard dollardy "urlaǵan". Kreml "panamalyq qujattardy" "arandatýshylyq" dep atap, Reseide jaqyndap qalǵan sailaýda Vladimir Pýtinge qara piiar jasaý maqsatynda jasalynyp otyr dep málimdedi.
